صوت غريب ومرتفع جدا في اكورد 05
السلام عليكم ورحمة الله
اخوني اول شي ابغى اشكركم واهنيكم على هذا المنتدى الراقي والمفيد جدا
انا هذي اول مساركه لي هنا.. لكن لي شهرين وانا اشوف اقسام المنتدى الحلوه واستفيد من المعلوماته
ادخل بالموضوع مباشره
الموتور اكورد 2005 فل 4 سلندر
المشكله صوت مرتفع جدا من صوب الكفرات الاماميه والجهتين بنفس المقدار يظهر على السرعات 35-120
شرح المشكله: بالبدايه المشكله ظهرت من شهرين تقريبا.. وكان في صوت خفيف ورجه في الكفر
وقتها كنت متأكد من وجود مشكله في الرمان بلي حق الكفر الامامي اليسار
وتم استبداله بقطعه اصليه من الوكاله وتمت الصيانه في ورشه متخصصه
لكن الصوت بعد تغيير الرمان ما اختفى.. بالعكس صار يزداد ويرتفع اكثر واكثر
المهم رحت اتأكدت من انه الصوت مهو من الرمان باني رفعت السياره على جك ومشيت عليها على سرعه 100
وما كان بها اي صوت وهي مرفوعه !!
المهم توقعت انه المشكله من الكفرات.. لكن انا على موتوري في نوعين كفرات.. كفرات اماميه نوع سوموتومو ياباني اصلي عمره ما عدا 5 شهور
وخلفيه نوع دانلوب ياباني وعمره ما عدا الـ 7 شهور..
ومن كم يوم قلبت الكفرات الخلفي لامامي والامامي خلفي.. والصوت هو هو..
الغريب انه يوم ارسلتها للوكاله فرع حايل.. يقولون انه الصوت احتمال من الكفرات.. بمعنى انهم ما عرفوا وش العله !!
وارسلتها حق ورشه متخصصه.. وللاسف ما قدروا يفهموا فين العله !!
بصراحه الموتور مزيون ما شاء الله لكن هذي العله عملتلي صداع وصرت افكر ابيعه وافتك :mad:
خصوصا اني بعد كم يوم ان شاء الله بنزل الاردن واخاف امشي عليها وتزيد المشكله
لذلك اتمنى من اي احد يعرف اي شي او اي معلومه عن السالفه يفيدنا فيها ولكم من جزيل الشكر
ملاحظه: انا من سكان حايل..
