السلام عليكم ورحمة الله وبركاته
..
يا أخوان أنا عندي أكورد 6 سلندر 2008
..
ويوم أشغل السياره وأحرك الطاره يمين أو شمال يطلع صوت ويوم أمشي يختفي
يعني أزعجني مايطلع إلا يوم أحرك الطاره ..!؟؟؟
ومالكها الأول يقول هذا صوت الأكورد وسألت بعض مالكي الأكورد يقولون الأكورد كلها أصوات
..
لذلك بغيتكم تعلموني هل الصوت اللي يطلع مع لف الدركسون (الطاره ) هل هو طبيعي ؟؟
ولا فيه مشكله ..؟؟ طبعآ أنا مالي إلا اسبوع مطلعها من الصيانه الدوريه ..
..
رحم الله والديكم علموني بالسبب ؟؟
ايش وصف الصوت؟
لاموطبيعي واكيد عندك هوز تعبان الموصل من بور السكان او البور نفسة او انة ناقص زيت سكان
افتح الكبوت وخل واحد يلف الطارة واسمع من وين الصوت والله يعينك
اقتباس:
المشاركة الأصلية كتبت بواسطة بلال العلمي
والله مدري كيف أشرحه لك
..
لكنه مزعج ..!
غغغغووووو ( لاحد يضحك )
..
وش الهوز ؟؟اقتباس:
المشاركة الأصلية كتبت بواسطة s c o r p i o n
ووش السكان ؟؟
ياخوي توها طالعه من صيانة الثمانين ويقولون مافيها حاجه ..!
الظاهر برجعها الوكاله
لكن بغيت استفسر هل الضمان مفتوح إلى 100 ألف ؟؟
الضمان مفتوح الى 10000 كيلو
لكن الصوت هل يرافقه اهتزاز؟
اقتباس:
المشاركة الأصلية كتبت بواسطة بلال العلمي
عشره الاف ولا 100 الف ؟؟
..
لا مافيه اهتزاز
ايش لون زيت الدركسون اللي انت حاطه ؟؟ وكم ضغط الهواء في الكفرات؟؟؟؟
والله مدري وأنا أخوك السياره تحت يدي لها يومين فقط ..اقتباس:
المشاركة الأصلية كتبت بواسطة بلال العلمي
وضغط الهواء ماقسته إلى الآن
لكن وش تنصحني فيه
..
لأن هالموتر طالع من الصيانه قبل أسبوع وراعيه يقول مافيه الا العافيه
..
بس مدري وش المشكله ؟؟؟
هل تنصحني أغير زيوت ولا شيء ؟؟
أنا خايف من علبة الدركسون أو الدوده لأن تصليحها مكلف
اقتباس:
المشاركة الأصلية كتبت بواسطة v6 only
افتح علبة الدركسون وشوف لون الزيت هل هو احمر او اصفر او بني مايل للبرتقالي؟؟؟؟؟
هل انت بنفسك سويت الصيانة في الوكالة ولا على كلام اللي باعها عليك؟
ضغط الاطار هل هو جيد ام لا ؟؟؟؟
شيك على الزيت اول شي وخبرنا
لاوالله مو أنا اللي سويتها ..! لكن شفت التشييكات وكان آخرها 80000اقتباس:
المشاركة الأصلية كتبت بواسطة بلال العلمي
قبل أسبوع ..!
...
ضغط الإطار أخليه على كم ؟؟؟ ياليت تجاوبني يالغالي ..
والله الصوت مرررره مزعجني وخايف منه ..!
بشوف الزيت وأرد عليك
وأبيض وجه
اقتباس:
المشاركة الأصلية كتبت بواسطة v6 only
الضغط على 35
الله يعافيكاقتباس:
المشاركة الأصلية كتبت بواسطة بلال العلمي
...
بالنسبه لعلبة الزيت مادريت وين محلها لخبطت بين كذا علبه ..
لكن بوديها للبنشري وأخليه يعلمني مكانها
..
اخوي بلالاقتباس:
المشاركة الأصلية كتبت بواسطة بلال العلمي
الزيت كان بني ..
وطبعا ناقص ( تحت الخط السفلي ) وانت تعرف العلبه يجي فيها خطين
..
زاد البنشري زيت احمر ( اصلي ) فوق الخط الأعلى
ولازالت المشكله هي هي ..
وطبعا البنشري يقول البلا من علبة الدركسون والله أعلم
..
وضغط الكفرات كلها 35
..
طبعا الصوت ينسمع على سرعة 40 يوم اهدي ويوم اكون واقف وبلف الطاره يطلع بعد
اذا كانت المشكله بالعلبه هل يتم تصليحها على الضمان ؟؟
الزيت الاحمر هو اللي يدمر طرمبة الدركسون لازم زيت هوندا الاصفر الاصلياقتباس:
المشاركة الأصلية كتبت بواسطة v6 only
والمشكلة عندك ان الزيت نقص وهذه نادر ما تصير انه ينقص الى اخر شي الا اذا فيه تهريب او تبخير لكن كون السيارة كانت تمشي فترة طويلة بدون زيت كامل يغطي المنظومة كاملة كذا بتتاثر العلبة او الطرمبة بالاصح
بس سؤالي كم ماشية سيارتك الحين؟
السلام عليكم
هاذي المشكله اكثر الاعضاء يعانون منها
الي هي علبة الدركسون
والصوت يطلع عندي بعد
ولو لاحضت اذا لفيت الطاره ان الامبير حق الضغط يطلع وينزل
وهاذي صارت معي واشتريت طقم اصلاح علبة الدركسون
واذا انت في الرياض في ورشه بصناعيه ام الحمام رقمها 20 او 22 مو متكاد
ونص الاعضا يعرفونها
المهندس اسمه فيصل
اقتباس:
المشاركة الأصلية كتبت بواسطة آ و د الـسعـوديه 2009
نفس الشي عندي
ويزيد الصوت اذا كانت السياره بارده
بس مطنششششش
ياشباب غيروها لان راح يجي يوم تحس بثقل بالطارة وصراحة الطارة ماينلعب معها عشان كذا غيروها وافتكوا هاذي اولا واخيرا سلامتك:)
تقريبا 77 ألفاقتباس:
المشاركة الأصلية كتبت بواسطة بلال العلمي
وبالنسبه للنقص هو مانقص واجد .. والبنشري شاف من تحت هل فيها تهريب يقول الدوده سليمه
...
يعني تنصحني اطلع الزيت الاحمر واغيره بهوندا الاصلي
اخوي انا عندي اكورد زي حقتك اختها ونفس المشكله
الحل رحت سويتلها اصلاح كلفتني 250 ريال فقط + 45 ريال زيت دركسون
^^^^
هلا أخوي
وين صلحتها ووش صلحت بالضبط ؟؟
..
أنا شريت الزيت وغيرته بنفسي والحمدلله الصوت خف كثيييييييييييير
اقتباس:
المشاركة الأصلية كتبت بواسطة v6 only
تمام انت كذا حليت اغلب المشكلة بانك غيرت لزيت دركسون هوندا
اعطها كم يوم وبيختفي الصوت بشكل اكبر من كذا وشيك على ضغط الاطار لازم يكون 35 وهي باردة الصباح
وما دام سيارتك ماشية 77 الف فان شاء الله ما فيها مشاكل بس لاتلف الطارة بالكامل لليسار او اليمين وتظل محبس عليها يعني فك شوي لاجل الزيت يمشي وما يضغط على الربلات
اقتباس:
المشاركة الأصلية كتبت بواسطة بلال العلمي
الله يبشرك بالجنه
..
اخوي قبل شوي شيكت على العلبه ..
وفيه تهريب في ( اللي ) الموصل بين العلبه والقطع الداخليه
يعني على الاطراف فيه تهريب ( مزيته الليات )
هل هذا بسبب الزيت الأحمر
الحين الصوت ممتاز الحمدلله .. واحسن من أول بكثير
لكن التهريب خوفني
اقتباس:
المشاركة الأصلية كتبت بواسطة v6 only
غسلها بستم زين وشوف ايش مدى خروج الزيت لكن دام ممشى السيارة قليل لاتخاف
على ممشى 100 الف يبدا طرمبة الدركسون ترشح يحتاج لها في ذاك الوقت اصلاح دركسون فقط وعلى ممشى 100 الف ايضا تغير بكرة الشداد لانها راح تطلع صوت في ذاك الوقت قيمة الرمان 25 ريال افضل رمان على الاطلاق وقيمة التغيير 50 ريال وتنتهي وعيش الى 200 الف اخرى بسلام وامان
بس الحين اغسل السيارة بستم زين وشوف اذا طلع زيت او لا لاني ما اتوقع ترشح او ان فيه تهريب في الوقت الحالي
اقتباس:
المشاركة الأصلية كتبت بواسطة بلال العلمي
وانا اخوك
العلبه أملاها إلى وين
هل لها حد معين ولا لين راسها ؟؟
لأن مثل منت عارف فيه خطين