سؤال في الانتيك على اربعه سلندر 2006

سلام عليكم
كيف الحال
بدخل بالموضوع على طووول طوالي
الله يسلمكم واحد من قرايبي معاه التيما 2005 اربعه و ركب لها انتيك لونق كي اند ان
ما شاااء الله السياره اختلفت كثييييييير .. و انا مجرب السياره قبل و بعد
يعني ما شااء الله تاخذ الاول كله تشفيط !
كانت شيء غريب
فقلت هذا الشيء لازم يتركب في الاكورد ... اذا مو بالطيب .. بالغصب ! :d
و طبعا ما ننسى الصوت الطرب
اللحين انا قبل ما اركب بسأل
انا عجبني صوت الالتيما ... يا ترا بعد ما اركب بالاكورد .. كيف بتصير صوتها ؟ اعلى ؟ اوطى ؟
الاداء تقريبا انا عارف انه الهوندات عموما ادائهم مع الفلاتر غير طبيعي .. ما ابي الاول تشفيط .. راضي فيها بدون تشفيط هع
تنصحوني بالشورت ؟ و لا باللونق .. تر الاختلاف كبير بينهم بالسوق عندنا .. يعني الشورت سعرها غير و الانواع المتوفره كثير و اللونق سعرها غير و الانواع بعد غير !

انا في شي اعرفه انه السيفيكات يمدحون السيموتا لهم .. شنو النوع الافضل للاكورد ؟
صرفية البانزين بتختلف ؟ اذا اي ....من اي ناحيه بتختلف .. بتقل و لا تزيد ؟
الالتيما و الضفط تحت الـ 3 ما فيها ذاك الصوت .. و بالضبط هذا اللي ابيه .. علشان لا دخلت المنطقه بليل .. هل الاكورد نفس الكلام ؟
على فكره ترا الاكورد اللي اتكلم عنه اربعه سلندر 2006 اسود <<< شدخل اللون ما ادري :d
و عندي موضوع ثاني .. بس بحطه موضوع منفصل لزوم عدم الخلط بينهم ;)

الصراحة ماني خبير بالتعديل
لكن أغلب الشباب مركبين فلاتر k&n
و إنتيكات spw أو simota

الأفضل ننتظر مشرف القسم لأنه مشاءالله خبير بهدي الحاجات

السلام عليكم ..

شوف اخوي انا الي اعرفه
انه كل ما كان الرام اير أطول كان الاداء أفضل والصوت أعلى ..
انا مركب الشورت k&n على سيارتي 2005 اكورد ..
طبعا الاداء اختلف بشكل واضح بالقومه ..
الصوت يطلع اذا دعست الدعسه بقوه .. > يعني اذا تتمشى على راحتك ما يطلع الصوت ولا كأنك مركب حاجه مستحيــــل ..

بالنسبة للصرفية .. ما ادري عنها ..
هذا الي اقدر أقولك عليه ..

سلام ..

أهلا و سهلا أخوي The Godfather :

بالنسبة لاستفساراتك ...

اقتباس:

---

انا عجبني صوت الالتيما ... يا ترا بعد ما اركب بالاكورد .. كيف بتصير صوتها ؟ اعلى ؟ اوطى ؟

---

طبعا بيصير الصوت أعلى , بس مع الدعسة , يعني تحت الـ 3 RPM بيكون الصوت خفيف لكن فوقها يعلى الصوت تدريجيا و لو أعطيتها دعسة كاملة للأخير بتسمع طرب قوي :rolleyes: .

اقتباس:

---

الاداء تقريبا انا عارف انه الهوندات عموما ادائهم مع الفلاتر غير طبيعي

---

الأداء طبعا بيتحسن بشكل ملحوظ للأفضل و انت بنفسك راح تعيش جو الإنتيك :d , و يمكن تفرق على الأكورد الـ Stock في مسافة حلوة و خصوصا في الخط .

اقتباس:

---

تنصحوني بالشورت ؟ و لا باللونق

---

من ناحيتي أنا أنصح بالشورت بالنسبة للـ 4 سلندر , لأن الأداء بتحتاجه في القومة أكثر من الخط , الأكورد قومتها ثقيلة لكن خطها جدا رائع . فالشورت أحسن لأنه بيخدمك في القومة .
اللونج مشكلة موديلاتنا إنك لازم تفك فتحة الكشاف إللي بالصدام لجل يدخل الهواء على الفلتر و إلا راح تكتم معاك , فالشورت بالنسبة لسياراتنا أفضل .

اقتباس:

---

انا في شي اعرفه انه السيفيكات يمدحون السيموتا لهم .. شنو النوع الافضل للاكورد ؟

---

الأكورد في لها Simota هنا بجدة , الشورت بـ 450 مع الفلتر و اللونج بـ 550 مع الفلتر , و بالنسبة لسياراتنا " قروب جدة " كلنا مركبين الإنتيك SPW و الفلتر يختلف بس الأغلب K&N . و أنا شخصيا و حسب رأيي مبسوط مع الإنتيك و الفلتر و اللحين تقريبا بيكملون سنتين على السيارة . و ما منهم أي مشاكل بإذن الله .

اقتباس:

---

صرفية البانزين بتختلف ؟ اذا اي ....من اي ناحيه بتختلف .. بتقل و لا تزيد ؟

---

طبعا الصرفية راح تزيد لكن بشي قليل .

اقتباس:

---

الالتيما و الضفط تحت الـ 3 ما فيها ذاك الصوت .. و بالضبط هذا اللي ابيه .. علشان لا دخلت المنطقه بليل .. هل الاكورد نفس الكلام ؟

---

إيه نفس الكلام , الصوت واطي تحت الـ 3 RPM .


لو ركبت الإنتيك طبعا راح تدعس لجل تسمع صوت الطرب , و بالتالي تزيد صرفية البنزين و صدقني لو ركبته ما راح تفكه لأنك راح تدمن عليه و على صوته . ترى الصوت يجنن .

تحياتي لك
أخوك : خـــالـــد .

يا خالد قسم بالله اقرا ردك و انا مستانس .. لانك رديت عليهم وحده وحده !!

يا اخوك لو اقولك كم كانت صرفية البانزين بالاكورد ... بتنجن .. شي غير طبيعي !
اعبيها فل .. ما اكمل عليها 200 كيلو الا مولعه اللمبه !
كانت شيء غريب !
بس راح اشيلها غصب عني علشان لما اوديها الفحص الفني لزوم تجديد الدفتر <<< هذا الشيء اللي ما فيه غشمره بالكويت !

عموما .. كنت راسم على اللونق لاجل الصوت .. بس السالفه فيها فتح كشاف .. حد الله ما بيني و بين الكشاف :d
ما احب امشي الا على الكشافات <<< مسوي فيها اكشن مع راسه !
بس بعد كلامك .. اقتنعت بالشورت ..
نوفر فيها فلسين و و يكون الفلتر فوق بعيد عن الماي <<< يطب في الماي كثير .. يحب يوصخ السيارات !

اللحين يا خالد ..كمل معروفك ...
لما اركب الشورت .. في شي معين لازم احط بالي عليه .... احسبني واحد ما يعرف شي بالسيارات و عطني حبه حبه .. يعني مثلا يوم بغيت اركب الزينون ..واحد قالي ( انتبه .. لا يقرب جمب الشغله الفلانيه و يقولك من هنا احسن .. انتبه من الماركه الفلانيه .. )
يعني نصايح سريعه
في شي لازم يتثبت ؟
شنو راح يشيل بالضبط علشان يركب الشورت ؟

و بالمره بعد .. شنو وظيفة المروحه اللي اشوفهم يبيعونها .. يسمونها تورنيدو
يقولون تركب على راس الفلتر و تزيد الهوا و مادري ايش .. و سعرها اغلى من الانتيك بكبره !
تنفع ؟ :d

بالنسه اخوي للمروحه وظيفتها انها تنظم دخول الهوا للانتيك ويكذا يدخل الهوا بشكل منظم ومايكون الهواء الداخل مشعتر وراح تعطيك ابو حصانين لثلاثه وفيه منها انواع فيه امريكي وتايواني وكلها وحده بس اختلاف الصناعه وكلها تعطيك نفس الادء

وانشالله اكون افدتك في سؤالك

كفو والله عقيل اشوفك بديت تشتغل

المهم موفق ان شالله وعقبال التيربو

هلا فيك مرة ثانية أخوي عقيل ...

اقتباس:

---

لما اركب الشورت .. في شي معين لازم احط بالي عليه ....

---

أكيد , لازم تحط في بالك شوية أشياء و هي :) :
1- لازم يكون الفلتر مثبت مع الإنتيك تمام و مع الثروتل بدي لازم يكون ماسك بقوة , و لازم تكون الشدادات ماسكة على الثروتل بدي و الإنتيك بقوة لأنها لو أنفكت و دخلت غبرة أو موية للمكينة , عز الله رحت فيها :( .
2- في ناس تركب مع الإنتيك و من البلوك حق المكينة ليّات توصلها للإنتيك , أنا أفضل يركب رجيع زيت أفضل عشان التبخير من المكينة يكون أفضل ;) .
رجيع الزيت تلاقيه بأول صورة و هو عبارة عن فلتر صغير مثبت على يمين المكينة من فوق .
3- لازم التنظيف يكون حسب الاستخدام و حسب حالة الجو , يعني لو الجو مغبر و سيء حاول تنظف الفلتر بالمادة الشمعية حقته و تلاقيهم يبيعونها بمحلات التزويد , و سعرها مو غالي مرة .
4- حاول تثبت الإنتيك مع الحديدة إللي ماسكة البطارية لجل ما يتخبط داخل الكبوت .

اقتباس:

---

شنو راح يشيل بالضبط علشان يركب الشورت ؟

---

طبعا راح تشيل كل شي يتعلق بالفلتر الأصلي للسيارة , و هذي الأشياء هي :
البوكس حق الفلتر , يفصل الحساس , الإنتيك الأصلي , الّليات الواصلة بين الإنتيك و المكينة و عددها 2 فقط .

اقتباس:

---

شنو وظيفة المروحه اللي اشوفهم يبيعونها .. يسمونها تورنيدو

---

المروحة هذي هي اسمها مثل ما اتفضلت , مروحة التورنيدو و فكرة عملها مثل فكرة عمل التيربو لكن هنا طبعا ما في مقارنة بينها و بين مفعول التيربو , و ظيفة هذي المروحة إنه بدل الهواء ما يدخل بشكل عادي و بدفع واحد و سرعة واحدة فهذي المروحة تجعل الهواء يدخل بصورة لولبية , و تركب بين الإنتيك و الفلتر , بعد الفلتر على طول و في منها أنواع " أمريكي و كوري " و أنا مركب الأمريكية و ما في فرق بينهم غير الصناعة أما الأداء واحد . و تعطيك بين الـ 2 و الـ 4 أحصنة :cool: .

هذي صورة للإنتيك إللي عندي " ماشاء الله تبارك الله " .

http://www.hondaarabia.com/club/pict...&pictureid=825

هذي صورة للمروحة إللي عندي .

http://www.hondaarabia.com/club/pict...&pictureid=841

و هذي صورتها داخل الإنتيك .

http://www.hondaarabia.com/club/pict...&pictureid=840

منظر كبوت سيارتي , لون السيارة أسود :d .

http://www.hondaarabia.com/club/pict...&pictureid=826

* أعتقد هذي كل المعلومات إللي إنت تحتاجها , و لو إنك بجدة و الله أخدمك بعيوني , أروح معك نشتريه و أركبلك إياه و نجرب بعد :d , لكن بيننا مسافة مهيب هينة .


أتمنى أكون أفدتك يالغالي .

تحياتي لك
أخوك : خـــالـــد .

السلاااام عليكم ...

حيا الله المهندس خلووود..:d ... اين انت يا رجل ... والله من زمان ماسولفت معك..:(

حبيب ألبي انا عندي بعض من الاستفسارات::: مروحتكم العزيزه لو ابغها على موتري V6 كيف تركب ..انا الى الان مو خاش مزاجي موضوعها ...

والسبب ان الفلتر حقي ما هو مفتوح من الامام ..فكيف الفلتر راح يستفيد من المروحه... وكم سعرها وهل هي متوفره عندنا في الشرقيه ...

الله يجزاك خير على المعلومات اللي افدتنا فيها :cool: <<< من دووونك نضييع

"" استفسار جانبي ..الــ V6 2007 عدد احصنتها الاجمالي 244 ... طيب كم الواصل للكفر ..انا كأني قرأت انها بين 175 -- 180 حصاان ""

هل هذا صحيح ؟؟؟

اخوك فيصل

هلا بـ فيصل :) ...
و عليكم السلام و رحمة الله و بركاته , حيّاك الله .

أنا موجود يا رجال , بس إنت طلاتك هنا قليلة , لا تحسبني ما أعرف :p .

بالنسبة لاستفساراتك ....

اقتباس:

---

مروحتكم العزيزه لو ابغها على موتري V6 كيف تركب

---

تركب على طول خلف الإنتيك مباشرة , ما تفرق بين الـ 4 سلندر و الـ 6 سلندر في التركيب .

اقتباس:

---

انا الى الان مو خاش مزاجي موضوعها ...والسبب ان الفلتر حقي ما هو مفتوح من الامام ..فكيف الفلتر راح يستفيد من المروحه... وكم سعرها وهل هي متوفره عندنا في الشرقيه ...

---

الفلتر بجميع الأحوال بيستفيد من المروحة , لأن راس الفلتر بيجي على مدخل الهواء مباشرة , و الهواء بيدخل من جوانب الفلتر , فتخيل معاي حركة الهواء و هو داخل . يجيك من الجوانب و مع السرعة , الاصطدام بالهواء بيكون أسرع و المروحة تدخل الهواء بأسلوب لولبي دائري و ما راح تختلف الحركة لأنه بيكون في مسار دائري داخل الإنتيك ;) . هذا هو أسلوب المروحة و طبعا لما يكون الهواء بشكل لولبي بيكون أسرع من لما يكون الهواء داخل بشكل عادي .
ها , كيف ؟ خلّيتها تدخل مزاجك :d .

اقتباس:

---

الــ V6 2007 عدد احصنتها الاجمالي 244 ... طيب كم الواصل للكفر ..انا كأني قرأت انها بين

---

اقتباس:

---

" 175 -- 180 حصاان " هل هذا صحيح ؟؟؟

---

الـ V6 و حسب أفضل داينو في أمريكا جابت في 3 RUN's الأرقام التالية . و طبعا السيارة ستوك و قير أوتوماتيك .
أول تجربة : 206 حصان
ثاني تجربة : 204 حصان
ثالث تجربة : 204 حصان
طبعا تستغرب ليش نزلت الأحصنة من 270 إلى 206 :confused: , فبأقولك الوزن و انسيابية السيارة مع اصطدام الهواء و عوامل أخرى كثيرة تلعب دور في هذا الشي . و لو بتسأل ليش صارت من 206 إلى 204 ؟ السبب إن السيارة وقت ما جابت الـ 206 كان هذا أول تست لها فكانت متعافية و لما بدأت تتعب جابت الـ 204 و ثبتت عليها .
و هو نفس مبدأ إنك تقعد تشد على السيارة و تدعس عليها طول اليوم و بعدين تجيك قومة و تتفشل فيها لأنك تعبت سيارتك :( .

أتمنى تكون المعلومات وصلت و اقتنعت فيها يا فيصل ترى أنا داري إن الكلام مو راضي يدخل راسك . بس هذي هي الفكرة و هذا هو الأسلوب .

تحياتي لكم ...

عقيل ..

اقص راسي اذا فهمت شي :d .. روح اشتر الانتيك ووديه اقرب محل وركبه .. ويصير خير .. :d

على العموم .. مو قبل فتره سيارتك صار عليها اكسدنت ؟

لا افا علييييك فهمت ... :d

لكن من وجهت نظر فيزيائيه هل سرعة دخووول الهواء عن طريق المروحه اسرع من اصطدام الهواء بالفلتر لو كانت السياره تمشي مثلا 160 كم اوحتى 100 كم :rolleyes:

وبالنسبه للأحصنه انت تقووووول 270 حصان ... وسيارتي 244 .... فهل تقصد V6 2008 ...:confused:

وعند المقاومات هل تنصح بأن ارفع ضغط الكفر الى 40 psi ...عشان يكون الكفر شبه دائره ... وما يفرش ;)

-----------------------------

وحاجه اخيره ...عند تزويييد الاكورد الى اقصى حد قبل التيربو يعني تقريبا 80 -- 100 ماكسيمم ..... القير وما ادراك ما القير .... مستحيييل يتحمل ها الزياده القويه....

واكبر دليل انه يخرب بدوون اي تزويد ... مجرد تكثر مقاومات يبدى يعشق بقوه ... وخرابات وقلق :mad:

فكيف تتغلبون على ها المشكله :confused: ....

عاشق ... السياره صافه قدام البيت :d
و ما فيها الا العافيه .. انقلبت .. و اتصلحت .. مجرد خرابات شكليه .. مافي شي ميكانيكي الا شويه شياالات و جسر و جنوط !
و قص راسك .. لاني فاهم الشغله ... بس علشان ما اغلط .. اعمل روحي مو عارف و استفيد من الاخرين !
( تعلم يا حبيبي تعلم ..حركاااااات :d )
الفلتر بعد العيد الوطني ( للكويت طبعا ) راح اركبه ..لان المرور يشدون في شهر فبراير و يخلونك تزهق حياااااتك و ما تطلع بالسياره !
( صارو يدققون على الحزام و على التلفون و على السياره .. و اي ستكر لو حتى بحجم خرم الابره ... تاكلها مخالفه على السريع )

خالد .. قسم بالله مشكووور <<< الحلف علشان التأكيد !

بس المروحه اللي شفتها ابدا ابدا مو بشكل اللي انت حاط صورتها .. اللي شفتها تتوصل بالكهربا و تدووور !
بس نفس الوظيفه بالضبط !

هذا الموضوع انا استفدت منه ... شكرا جميعا :)

اخوي فيصل انا عندي v6 ومركب انتيك بصراحه صوته قمه الطرب لكن وبصراحه اخوي كانك عارف انا مركب هيدرز واقزوست وبواجي ...الخ
وقوماتي كل يوم وابشرك الجربكس بداء يروح فيها صار عندي تاخير في التعشيق بين الثاني والثالث امس رحت للورشه قالو القير يبغاله توضيب وطبعا اخوكم صار وجهه الوان وقير الv6 فلم طويل ،،،،،:(:(:mad:
بصراحه ما في احسن من شد البلد عارفين ليه لان الواحد اول ما يسمع صوت الدبات او الانتيك يعطيه حافز انه كل شوي يقلبها رالي ويفكر نفسه انه في حلبه سباق او انه يلعب بليستيشن (حرامي سيارات ) لان الصوت يغري طبعا يوم بعد يوم راح الموتر فيها ،،،هذا غير الحوادث الله يحفظكم من كل شر

الفلاتر ما بتزيدك اكثر من ٣-٤ احصنة على الأربعة سلندر بشكل عام، و هذا شي ماراح يعطيك غير صوت و بس، ماراح يكون في تغير حقيقي أو فعلي بالأداء، اذا دورت اي ورقة داينو بعد الفلتر راح توصل لنفس النتائج..

http://www.f5air.com/images/dyno/ca1....4%20sulev.GIF

اقتباس:

---

المشاركة الأصلية كتبت بواسطة z u h a i r

السلام عليكم ..

شوف اخوي انا الي اعرفه
انه كل ما كان الرام اير أطول كان الاداء أفضل والصوت أعلى ..
انا مركب الشورت k&n على سيارتي 2005 اكورد ..
طبعا الاداء اختلف بشكل واضح بالقومه ..
الصوت يطلع اذا دعست الدعسه بقوه .. > يعني اذا تتمشى على راحتك ما يطلع الصوت ولا كأنك مركب حاجه مستحيــــل ..

بالنسبة للصرفية .. ما ادري عنها ..
هذا الي اقدر أقولك عليه ..

سلام ..

---

لما يطول الرام بيتحسن الأداء، يعني بدل ٣ احصنة ممكن يسيروا ٤ ...بس لما يطول راح يقل الصوت و هذا شي معروف اخوي،،

بالنسبة للصرفية، فالشركات تقول ان الفلتر محتمل يحسن من صرفية البنزين، و لهالسبب يستعمله بعض الناس..

و عشان ما حد يقول اني كتبت الردود لاني ما عندي فلتر...فأنا مركب فلتر k&n ب ٢٠٠٠ ريال عند الوكالة النصابين بس عشان الضمان و انجح بالفحص الفني..

و قولوا ما شاء الله يا شباب، على نظافة الماكينة، ترى منظفها بيدي بالبيت، و اخذت ساعتين بس كيييف؟؟ :d
http://img.skitch.com/20090124-xqhus...ddra3akx4b.jpg

السلام عليكم ...

نخش في الموضوع علطول ...

^^^^^^^^^^^^^^^^^
اسمح لي اخوي ... بس انا اقول لك انك غلطان ... او يمكن نص غلطان .... لأن هذي صورة الداينو للأكورد 4 سلندر 2004 قبل وبعد تركيب فلتر K&N شورت ..وطبعا الصورة من الموقع الرسمي ;)...

http://hondaarabia.com/club/attachme...1&d=1232825213

وهذي صورة الفلتر ...

http://hondaarabia.com/club/attachme...1&d=1232825213

وهذي صورة الفلتر نفسه على سيارتي ...ما شاء الله تبارك الله

http://hondaarabia.com/club/attachme...1&d=1232825213


أما الفرق في الأداء فهو "على الأقل عندي" واضح وملحوظ...

وهذي صفحة الفلتر من الموقع

http://www.knfilters.com/search/prod...Prod=69-1209TS

ولو بتلاحظ معاي في هذي الصفحة بتشوف ان عدد الاحصنة للرام اللونق أقل من الأحصنة للشورت:
http://www.knfilters.com/search/prod...Prod=69-0025TP

مو قصدي أغلطك أخوي ... بس الأرقام الرسمية عندك ... وعلشان ما يصير لبس عند الأعضاء:)

بطل يا محجوب :cool:

اقتباس:

---

المشاركة الأصلية كتبت بواسطة محجوب

مو قصدي أغلطك أخوي ... بس الأرقام الرسمية عندك ... وعلشان ما يصير لبس عند الأعضاء:)

---

هلا والله اخوي محجوب،، :)

الفلتر اللي مركب بالداينو اللي انا حطيته هو فلتر لونج رام من شركة بنفس مستوى k&n و يمكن احسن، و هي المعتمدة من كل اصحاب ال G35, 350Z، و مركب على اكورد ٢٠٠٦ مثل ماشايف بآخر ورقة الداينو، معلومات الموقع المصنع لا يمكن تعتمد عليها ابدا و على فكرة حتى الداينو اللي انا حاطه من موقع الشركة و ٨ حصان مبالغ فيها الف،، انت اعرف اخوي بمواضيع ال " universal chips" اللي تدعي ٥٠ حصان على مكينة السيفيك!؟!؟

لو دخلت اي موقع هوندا اجنبي محترم، بتلاقي كل الناس معدلين بالمكينة، و اقل شي فلتر و كات باك..يعني خفايف، و إسأل اي واحد فيهم و راح يقلك ان الفلتر و الكات باك مع بعض مازادوا اكثر من ٦-٨ احصنة، و اذا تحب اخوي، افتح موضوع نفس هذا بالضبط بأي منتدى اجنبي تختاره، و نشوف ردود الأعضاء اللي عندهم هذي شغلات عادية، مو نفس عندنا اذا الواحد ركب فلتر قالوا معدل،،

ياريت مايكون الموضوع تحدي و 1-0 مثل ما يوحي لي رد اخوي كراش، لأن بالأخر احنا بمنتدى مش ببرنامج وزنك ذهب :d

بما ان نتكلم عن الbolts on و الخفايف و تسهيل حركة الهواء بالسيارة و ادخال هوا بارد نظيف و فوايدة..

هذا الفيديو فيه داينو لميكينة k20 اللي بالسفيك Si و هي اقوى من مكاين السيفيك و الأكورد ال 4 سلندر اللي عندنا، مركب كات باك Skunk2 و هي مثل ما تعرف شركة عملااااااقة بمجال الاكزوزست، يبينلك الفيديو زيادة عدد الأحصنة بأقل من حصانين فقط، و هذا شئ طبيعي لما تركب خفايف على ٤ سلندر:

http://www.youtube.com/watch?v=9_EOyiHMezw

و هذا اقتباس من موقع اجنبي مشهور للسيفيك يبينلك كيف ان خفايف للسيفيك كلها مع بعض ما تعملك ١٠ احصنة:

اقتباس:

---

المشاركة الأصلية كتبت بواسطة akronmusician413

i have a MT LX and i really like my car
i got a set of wheels for the summer and the car handles pretty good stock

though as long as i have been on this forum i have never seen anything positive for upgrading the performance on an R18 while staying NA...because it seems very limited from the factory and the engine engineering

basically you can gain
2-5hp from an intake
2-5hp from the "header"/downpipe
5-8hp from a cat-back exhaust
5-7hp from pulleys

so total its around 10-20 whp gain for a MT (135-140whp)

i want to stay NA because the FI route requires much more money and the reliability of the car goes down...there is no reflash for the R18...there are piggyback units but i have not heard of many people using them on NA engines...cams? no...internals? no...intake manifold? our stock one is great for a NA engine...

what else can be done to improve power on the R18?
its a great honda engine...many innovations and 140hp from 1.8L is impressive...i think an ECU upgrade tuned towards aftermarket parts would show the best gains

i want to hear everyone's thoughts on this topic because it is a challenge with the engine especially (i plan on building a custom intake and buying nst pulleys in the near future)

---

و هذي البكرات اللي في موضوع يقول انها تضيف ١٠ احصنة، عطت ٤ احصنة و بمواقع مختلفة...

اقتباس:

---

المشاركة الأصلية كتبت بواسطة Shark Tek

As I promise on the NST Sticky.


Last night I went to one of my local dynos, but before to post anything I want to state something very important. I know that readings are low but this dyno is notorious of reading 10-15whp less than other dynos of the same type (Dynojet). That means that the car is on the 190+whp range.


Back to the topic, you already know that out there are many people that say that pulleys are worthless that they do nothing. Other affirm that works very well. For that reason I decide to make a pre/post dyno the same day to clear up this myth specially on the K20Z3.




Non Stop Tunning Civic Kit
Now to the graph.

http://img177.imageshack.us/img177/3466/nstgraphyz9.jpg

My Mods prior the pulleys are: Injen Cai, DC Race Header and Hondata IMG. The catback section is stock.

Ok guys, dont get too excited about the 3K RPM range increase, I'm not really sure that I was at full throttle on the run without the pulley set. Some runs shows a similar curve other dont show it. I just select the last run without and with the pulleys. As you can see there are some gains (up to 4whp) on many sections of the graph.


I'm including an attachment with all the runs (baseline to present) that I did on that dyno.
You will need WinPep to be able to plot the graphs.


I gave you everything I have, now be the judges.



Hope this post is useful for some of you. :thumb:

---

50 حصان لما تركب الفلتر على الشيلبي؟!؟! و الله حلو احسن من التيربو لول!!!

http://img.skitch.com/20090124-rne9g...i2wyjjn8nd.jpg


و في كتييييير اوراق داينو شايفها بعيني و تثبت ان الخفايف ما بتزيد غير شي كتير بسيط و ثروتل احسن شوي.. و اذا حد يحب و موجود بقطر، يتفضل معاي بنفسه و بروح معاه على الداينو بسيارتي و فلترها و اوري، او التيما اخوي اللي عليها فلتر ال Fujitsa و اللي كسبت ٥ احصنة بس بالداينو، اذا كنت تحس شي تحسن، فانت تحس و بس، بالحقيق، مافي شي تحسن لدرجة انك تشعر فيه، اذا محتاج اداء ركب تيربو على ال ٤ سلندر، او حتى نايتورس خفيف..

يعطيك العافية أخ محجوب على ردك :cool: كان ودي اكتب نفس الكلام لاكن انت ماقصرت

^
عندك ورقة داينو تبين الخفايف اللي مركبها؟ ما تقولي "احس" انها اسرع، لاني انا احس نفس الشي مع الفلتر، بس الإحساس شي و الواقع شي ثاني.

المشكلة كل واحد يحاول يقنع نفسه انه سيارته سريعة مع ان الأكورد الأبطأ في فأتها [ التيما، كامري، لانسر الجديدة!!] و السيفيك ابطأ من الكورولا، و مع هذا مصرييين ان سياراتنا سريعة...و مصرين ان كات باك و فلتر بيزيدوك ٢٠ حصان...

بنسبة لنقطه الأولى : أنا ما جربت سيارتي على الداينو لاني حاط خفايف فما تسوى أدفع 500 ريال عشان اقيسها على الداينوا ...
لاكني جربت مع سيارتي الثانيه (( التيما )) قبل وبعد ما أحط الخفايف وتبين الفرق وجربت حسبت التسارع ل160 قبل وبعد ما أحط القطع......

وانا أول مره أسمع ان 4 حصان ما تفرق في السياره ولا شي مجرد صوت بس !!!!!!!


بنسبة لنقطة الثانية : انا مقتنع بسيارتي وعارف مستواها مع فأتها وحبيت أقولك انت غلطان ادا كانت تقيمك للأكورد كذا انا ما أمدح السياره لأني امتلكها لاكني مع التجربه عرفت مستواها ...


ومن قال أن الكت باك والرامير يعطي 20 حصان ... في سياراتنا

طيب انا بسالك دام إن الرامير أو بمعنى أصح (( 4 أو 5 حصان )) ما منها فايده ليش دافع عليها 2000 ريال علما اول مره أسمع بهادا السعر من 8 سنوات سواء كان من الوكالة ولا من موزع ......

^
عشان الصوت و بس و الله على كلام شاهد ماني متوقع اي اداء من فلتر، الفلتر ينباع عندنا بالوكالة بقطر، ما اكتشفت انهم نصابين الا بعد ما ركبته بمدة، لو كان عندي الفاتورة كان صورتها لك، بس السيارة بالوكالة شغالين عليها، و اذا مصر، بكرة السيارة جاية و بصورلك الفاتورة و تجيك برسالة خاصة،،

لو القرار عندي بين التيما و اكورد، لشريت الأكورد لداخليتها الحلوة اللي تحسها سعرها فيها، و لإسم هوندا و معاملة وكالة نيسان السيئة، بس الأداء، الألتيما افضل بشكل لا يوصف من الأكورد من ناحية الجير و الماكينة، و هذا من تجربتي اليومية لهالسيارتين و ما توقع خفايف تعمل فرق، سيارة اخوي و الوالدة، قولوا ما شاء الله،،

http://img.skitch.com/20090125-pf3kr...3nwp4teg88.jpg

القناعة كنز لا يفنى

و على فكرة، ناوي اشتري كات باك ، و لوقتها راح اضل اقلك ان الأداء جدا بسيط و الموضوع صوت و شكل اكثر من اي شي ثاني بالنسبة لي، لان هذا هو الواقع،،

اذا لقيت تونر محترم، بركب تيربو و وقتها بقلك، سيارتي صارت اسرع.

لا لا مايحتاج ترسل لي ولا شي ..

انا مصدقنك لاكن كنت مو مقتنع ان شخص يدفع 2000 ريال عشان صوت كان اخذت لك شي تجاري دامك تبغى الصوت بس

بس وأرد اقولك ترى الخفايف تعمل فرق بسيط وواضح ..

وانا أتكلم من واقع التجربه..

والأتيما تتفوق على الاكورد في القوه الانها :

وزن أخف

عدد احصنه اكثر

سعة المكينة اكبر

وفي الاخير بس حبيت أقولك ترى لا ستهين بعدد الأحصنه القليله ....

^
ما استهين فيها و الله، و الأهم من عدد الأحصنة في هالخفايف هو تحسين حركة الهواء داخل و خارج الماكينة و هذا لوحده يعطيك دفعة بالسيارة و تسير السيارة انشط شوي، بس اللي استغربه الأرقام الخيالية اللي يحطها بعض الشباب و ماراح المح و لا الف و ادور، انا اقصد موضوع اخوي مشرف القسم، موضوعه كان قمة بالروعة و الترتيب و شي يرفع الراس انه جاي من منتدى عربي، و المنتديات العربية اتعودت على النقل، بس لما شفت الأرقام و نقلتها لمواقع ثانية انصدموا و استغربوا منها لما قارنوها بالأرقام اللي ظهرت عندهم بالداينو،،

و صدقني انا احترم كتيييير سيارتك و احترم قرارك انك بدل ما تركب خرابيط محلات الزينة مثل الغالبية، ركبت كات باك يعطيك هوا انظف و صوت احلى و شوية اداء، مهما كان الأداء بسيط، فهو تقدم مافي نقاش و بيعطيك متعة اكثر و انت تسوق سيارتك،،

أنا يعجبني فيك أخوي أنك ما تتكلم الا بدليلك ... لكن ... نجي في الكلام حبة حبة ...

بالنسبة للداينو مثلا .... اكيد انت عارف ان كل داينو يختلف عن الثاني ... ومثلا داينو مجلة سعودي اوتو ... اعطى اقل الارقام اللي شفتها في حياتي على نفس السيارات اللي تقاس على داينوات اجنبية...

شي ثاني ... انت مقتنع بالداينوشيت حق الفوجيتا وما اقتنعت بحق الـk&n .. طيب في ورقة الفوجيتا الرام اللونق اعطى 4 وشوي احصنة... وتقريبا نفس الرقم طلع عند الـk&n بالنسبة للونق .... يعني قصدي أن k&n بيكتبوا كلام صحيح عن اللونق وكلام خطأ عن الشورت؟! ... ليش ؟؟؟؟

شي ثالث ... ارجع واقول واصر وادعم سراج بكلامي ... الخفايف يبين الفرق حقها وبقوة .... ...... شوف اخوي .... انا عادتي قبل ما اركب قطعة جديدة على السيارة ... وبين كل مدة ودة ... أروح الطريق السريع واعمل تست للسيارة وأدائها ..وعادة تكون في ظروف مشابهة من حرارة الجو وعداد البنزين ...الخ .... انا بقول لك ان السالفة فرقت فرق قوي جدا بعد ما ركبت قطعتين فقط !!!

بالأول ... تسارع سيارتي للـ200 أيام كانت ستوك ... ياخذ تقريبا 44 ثانية ..... ولما ركبت الفلتر الـk&n فرق معاي التوقيت الى 40 ثانية بالضبط .... وألحين مركب هدرز من شركة عادية ... وفرق التوقيت الى 34 ثانية وترا الفديو موجوووووووود .... ألحين يا اخوي .... 10 ثواني هذي مو فرق ؟؟!! ... الا فرق وقوي جدا ... وترا هالكلام مو بس عندي أنا ... عندك العضو مزاجي ما شاء الله يجيب ال200 في 33 ثانية (أكورد 2006).... وأعضاء قروب جدة مو مقصرين في المقاوم والسرعة .

وأخيرا ... بالنسبة لأداء الأكورد والسيفيك بالنسبة لمثيلاتهم ... لما كانت سيارتي ستوك ... جربت مع عدة كوامري و ولا واحد قدر يطلع علي حتى ال2007 .... بالنسبة للألتيمات ... جربت مع اثنين طلعت عليهم بمسافة حلوة ... وجربت مع الاخ سراج بالالتيما حقه وطلع علي بمسافة بسيطة جدا ما تتعدى فرق مسافة سيارة ... وجربت مع ليجاسي وسوناتا والنتايج كلها تقريبا لصالح الاكورد.... أما السيفيك ... بصراحة وش دعوه الكرولا اقوى منها ... واحد خوينا داس بالسيفيك حقه "ستوك" مع سوناتا قير عادي والسوناتا ما قدر عليه ... وسيارته مستواها ما شاء الله قوي جدا <<< مثال وليس للحصر.

اخيرا عندي لك سؤال ... هل تعتقد أن الـ10 ثواني اللي فرقت عندي وعند غيري ... كل اللي سواها 5 او 6 احصنة ؟؟؟

يعني لو تزيد السيارة 20 حصان من اللي تقول انت عنها .... بحط راسي في راس الـ8 سلندر ... لأن تسارع سيارتي الآن أفضل من اللومينا 6 سلندر كمثال

سلاااام..

اقتباس:

---

المشاركة الأصلية كتبت بواسطة محجوب

أنا يعجبني فيك أخوي أنك ما تتكلم الا بدليلك ... لكن ... نجي في الكلام حبة حبة ...

بالنسبة للداينو مثلا .... اكيد انت عارف ان كل داينو يختلف عن الثاني ... ومثلا داينو مجلة سعودي اوتو ... اعطى اقل الارقام اللي شفتها في حياتي على نفس السيارات اللي تقاس على داينوات اجنبية...

شي ثاني ... انت مقتنع بالداينوشيت حق الفوجيتا وما اقتنعت بحق الـk&n .. طيب في ورقة الفوجيتا الرام اللونق اعطى 4 وشوي احصنة... وتقريبا نفس الرقم طلع عند الـk&n بالنسبة للونق .... يعني قصدي أن k&n بيكتبوا كلام صحيح عن اللونق وكلام خطأ عن الشورت؟! ... ليش ؟؟؟؟

لا لا ياخوي، اقرأ الرد مرة ثانية، قلتلك ان حتى الفوجيتا غلط، و كلامي من اوراق الداينو اللي على طول اشوفها،،

شي ثالث ... ارجع واقول واصر وادعم سراج بكلامي ... الخفايف يبين الفرق حقها وبقوة .... ...... شوف اخوي .... انا عادتي قبل ما اركب قطعة جديدة على السيارة ... وبين كل مدة ودة ... أروح الطريق السريع واعمل تست للسيارة وأدائها ..وعادة تكون في ظروف مشابهة من حرارة الجو وعداد البنزين ...الخ .... انا بقول لك ان السالفة فرقت فرق قوي جدا بعد ما ركبت قطعتين فقط !!!

اخي الصوت العالي و الدفع بالسيارة اللي تحسن لان الهوا صار انظف و ابرد بالماكينة، هذي عوامل تعطيك الإحساس هذا، بس اوعدك ان لو عملت داينو ماراح تطلع الأرقام اللي ببالك،،

بالأول ... تسارع سيارتي للـ200 أيام كانت ستوك ... ياخذ تقريبا 44 ثانية ..... ولما ركبت الفلتر الـk&n فرق معاي التوقيت الى 40 ثانية بالضبط .... وألحين مركب هدرز من شركة عادية ... وفرق التوقيت الى 34 ثانية وترا الفديو موجوووووووود .... ألحين يا اخوي .... 10 ثواني هذي مو فرق ؟؟!! ... الا فرق وقوي جدا ... وترا هالكلام مو بس عندي أنا ... عندك العضو مزاجي ما شاء الله يجيب ال200 في 33 ثانية (أكورد 2006).... وأعضاء قروب جدة مو مقصرين في المقاوم والسرعة .

٤ ثواني بفلتر؟!؟! انت اخوي تعرف كم الناس تدفع حتى تتحسن بمعدل نص ثانية على التراك؟؟!؟!

وأخيرا ... بالنسبة لأداء الأكورد والسيفيك بالنسبة لمثيلاتهم ... لما كانت سيارتي ستوك ... جربت مع عدة كوامري و ولا واحد قدر يطلع علي حتى ال2007 .... بالنسبة للألتيمات ... جربت مع اثنين طلعت عليهم بمسافة حلوة ... وجربت مع الاخ سراج بالالتيما حقه وطلع علي بمسافة بسيطة جدا ما تتعدى فرق مسافة سيارة ... وجربت مع ليجاسي وسوناتا والنتايج كلها تقريبا لصالح الاكورد.... أما السيفيك ... بصراحة وش دعوه الكرولا اقوى منها ... واحد خوينا داس بالسيفيك حقه "ستوك" مع سوناتا قير عادي والسوناتا ما قدر عليه ... وسيارته مستواها ما شاء الله قوي جدا <<< مثال وليس للحصر.

اخوي انا بصراحة و ما بكذب عليك ما جربت مع احد، لان سباق الشوارع ممنوع و خطر و اخوي اتوفى بسبب واحد يتسابق بهالشكل، الله يطول بعمرك و بعمر كل اللي تحبهم،،

و ثاني شي، انا كلام طالع من ارقام داينو اشوفها على النت، و لاني لما اسوق الألتيما و الأكورد، الفرق بالتسارع و خاصة من الصفر واضح جدا جدا جدا جدا و ما توقع خفايف تمحي هالشئ!!!!

اخيرا عندي لك سؤال ... هل تعتقد أن الـ10 ثواني اللي فرقت عندي وعند غيري ... كل اللي سواها 5 او 6 احصنة ؟؟؟

يعني لو تزيد السيارة 20 حصان من اللي تقول انت عنها .... بحط راسي في راس الـ8 سلندر ... لأن تسارع سيارتي الآن أفضل من اللومينا 6 سلندر كمثال

ارجع اقلك اخوي، روح سوي داينو و حط الفيديو لنا وورقة الداينو و خلينا نحكم، ممكن اكون غلطان و يكون في حالة خاصة للسيارات المعدلة بالسعودية تزين ١٠ احصنة و اللي ببقية العالم تزيد ٣-٤؟

سلاااام..

---

اذا تحب اخوي احط رابط الموضوع و اترجمه بمنتدى اجنبي معروف كله سيارات معدلة بشكل ثقيل، و تشوف الردود و الإثباتات بنفسك، و راح تتفاجأ ان مافي حد يتكلم عن الفلتر كانه نايتروس الا بالهمنتدى، مع احترامي للجميع، و لكن في افكار مختلفة تماما عندكم،،

سلام عليكم
الشباب متحمسين الله يعطيكم العافية :)
.....
انا حبيت اكتب ردي هذا من باب خبرتي وتجربتي ومشاركة للأعضاء ومن باب الحماس الزايد على التزويد :d
.....
^^^^^^^^^^^^^^^^^^^^^^^^^^
أنا بقووول رايي واسمحوا لي:)
...
كلامك اخوي فيه من الصحة وفيه من الخظأ ..... اللي فيه من الصحة انه انا معااااك في سالفة الرامير انه الشباب عاطينه حقه بزياااادة شوي ...يجي واحد مثلا ركب رامير سواء لونق او شورت يحس نفسه مركب تيربو او سوبرشارجر.... اهو كله على بعضه دخول هواء اسرع وبكمية أكبر الى الثروتل ومنها الى المكينة ... طبعا اخوي سالفة الداينو هذي سالفتها سالفة شوي .... وانا بقولك .. بالنسبة للأكورد 4 سلندر ماتحس بالفرق الجاااااامد من الرامير ... بس فيه فرق طبعا في التسارع والاستجابة حق الثروتل .... مثلا انا عن نفسي مركب رامير شورت جايبه من امريكا ماركته Weapon-R :cool:... ماتوقع انه فيه احد غيري مركبه في المنتدى ... طبعا هو شورت بس عارف ايش المميز فيه عن باقي الشركات .. شورت واقدر اخليه لونق .. يجي معاه قطعة بيب بلاستيك اسمها رامير كت .. تشبكها في راس الفلتر وتمده وين ماتبغى عشان تسحب هاوء بارد ... والميزة الثانية تقنية الصناعة حق هذ الكت ... طبعا المعروف انه كل الانتيكات في العالم مثل K&N و AEM مثلا يجي الانتيك بيب عادي ومن داخل فاضي .. اما هذا اللي مركبنه انا Weapon-R يجي نفس انتيك عادي ومن داخله انتيك ثاني:cool:.... انا ان شاء الله وبإذن الله بعد ماشفت الحماس في المنتدى بنزل موضوع عنه بالتفصيييل وبالصور والفيديو ..... وعن تجربة شخصية ..جربت K&N Typhon System وهذا تقدر تخليه شورت ولونق على حسب احتياجك تفك الوصلة وتركب .. جربت AEM Short ... وطبعا كلهم طلبية من امريكا ... واحسن واحد وعن تجربة اللي تكلمت عليه WEAPON-R :cool:... بس شي معروف في عالم التزويد انه الرامير يعطيك هورس باور زيادة .... بس في الاكورد 4 سلندر مستحييل يوصل الى 10 حصان .. ماعمري شفت داينو شييت حق اكورد اعطاها 10 حصان .. .. وكلام محجوب صحيح .. الرامير يفرق معاك في القومة والخط وحتى لو شي بسيط .. وكل ما زادت الاغراض زادت القوة ....
انزين بسأل سؤال ويامحجوب واخوي xHeartcoreboyx جاوبوا عليه ...؟
طبعا اذا الواحد ركب اي شي على المكينة مثلا رامير ... بتكون كمية الهواء الداخلة اكبر من فلتر الوكالة صح ... انزين الحين في مشكلة اغلب الناس ماتدري عنها ... كمبيوتر السيارة اللي هو ECU العقل المدبر للمكينة والسيارة بقدها واللي هو من النوع ||OBD وتواجد في جميع موديلات الهوندا من 2003 وطالع حساس .. انت الحين زدت كمية الهواء الداخلة .. الكمبيوتر يقرأ شي مختلف عن اللي هو مبرمج عليه ... فلازم تسوي اعادة للكمبيوتر عشان تخليه يتأقلم ويقرأ صح الكمية الجديدة الداخلة للمكينة .... سؤالي هو كيف تسوي اعادة تقدر تقول اعادة برمجة لكمبيوتر السيارة(Reset ECU) في الهوندا ؟؟ ابغى اسمع منكم ياخبراء التزويد...اذا فيه احد يعرفها من قبل اقول عنه فاهم ... طبعا بقول الاجابة بعد ما اشوف الردود
.....
على العموم الموضوع حلو والنقاش احلى بين اعضاء المنتدى وكل واحد ياخذ خبرة ولي رجعة
....
واسمحوا لي على الاطالة
....
وبالتوفييييييق للجمييييع

انا كتبت رد طوييييييييل عريض ولما ضغطت على "اضف الرد السريع" ... اكتشفت ان النت انقطع لأنه وايرلس :mad:

لهذا ...أنا بس بجاوب على سؤالك يا آي فتيك ... وبكرا بأدخل وأشوف اش صار على الموضوع ... أعتقد أن أحد الحلول هو تركيب شاشة أبيكسي على سبيل المثال ... وبرمجتها عن طريق شخص خبير علشان يظبط كمية البنزين الداخلة للسلندر ويوزنها صح مع كمية الهواء الجديدة ...

تصبحوا على خير..

تركب uint chip او تحط لك ابكسي لكن الابكسي شف انا دورت انا واحد يظبط الابكسي زين ومالقيت لا بالرياض ولا الشرقيه

كلمت عبدالواحد قالي ماعرف اسويها وكلمت slr قالي لازم تجيب map...

i-vetic2005
حسيت من ردك انك فاهم و بس شفت انك عارف سالفة الاي سي يو ريسيتنق .. عرفت انك فاهم
كل اللي تسويه انك تفصل الراس السالب لمدة ليله كامله .. بعدين ترجع تركبه و تشغل السياره تحميها 10 دقايق
لما تسوي ريسيت حق الاي سي يو .. لازم تكون السياره بالوضع الطبيعي
يعني .. البنزين الطبيعي اللي تعبيه كل يوم .. و الظروف الطبيعيه !
انا شايف هنا بالكويت .. ناس ريسيت بنهاية الاسبوع .. تدري ليش
عندنا البانزين 96 و 98 و 108 و 118 .. طبعا لكل واحد سعره !
الشباب ماهم مليونيريه علشان يعبي بانزين 118 كل يوم .. لانه فعلا فعلا غالي ... يعني فل الاكورد منه 5 اضعاف فل الـ 98 !!
بس تعرف شنو يسوي .. يفضي التانكي بالمره بالمره ... يفصل البطاريه .. يروح المحطه .. ياخذ له كم لتر 118 .. يعبيها .. يركب البطاريه .. يشغل .. يحمي علشان الاي سي يو يفتهم انه هذا وضع طبيعي .. و انه لازم يتعود على هالوضع
يروح المحطه يعبيها فل .. و بالويكند كله انواع المقاومات .. و على نهاية الويكند .. يفضيها مره ثانيه .. و نفس العمليه يعيدها مع 98 و لا 96 .. علشان طول الاسبوع رايح و راجع للدوام .. فما يطلع عليه مصروف البانزين !!

شباب .... انا حطيت الموضوع علشان يكون بمثابة سؤال و رد و السلام عليكم ! ما قلت كم بتزيدني احصنه و لا دخلت بالامور الميكانيكيه .. لانه ما عنده سالفه اللي يركب فلتر و هدرز و يجي يهايط !
يعني ماراح يختلف معاك الاداء كثير و لا بتجيب راس كابرس بالاكورد 4 سلندر مع شوته ( فلتر ) !!

بالنسبه للتركيب بالوكاله و النصب .. نفس الكلام عندنا .. يركبون لك بكرات و فلتر .. طبعا بمبالغ خياااليه .. بمقابل انك تعدي الفحص الفني و ان الكفاله ما تطيح !

الابكسي ماله لزمه علشان فلتر هوا و برمجته !!
بروحه يبرمج روحه .. يشوف كم هوا داخل .. و كيف حال هالهوا .. و يبرمج المكينه على اساسه !!!
ميخالف يا شباب .. تبون تفتحون موضوع تناقشون فيه اذا كان الفلتر يعطيك اداء و لا لأ .. كيفكم بس اشوف هذا الموضوع اخذ حقه خلاص .. عندكم شي على اسأله الموضوع نفسها ... تفضلو .. بس لا تشذون عن الموضوع !

السلام عليكم
:)
مشكور اخوي The Godfather على مديحك لي...كلامك كللللللللللللله صح ومليون بالمئة 100 % :cool:.. حلو انه اشوف في المنتدى ناااس تفهم .... بالضبط هذا اللي ابغى اوصل له حق اقول للشباب .....
بس عندي ملاحظة ... طبعا الطريقة اللي قلت عنها في الريستنج الاي سي يو صحيحة 100 % وهذا الكلام هو الصح ... بس بقول لك شغلة بسيييطة .. طبعا حسب خبرتي وتجاربي بعد ... فيه طريقتين حق تسوي ريسيت حق الاي سي يو ..
الاولى هو الطريقة اللي قلت عنها .. تفك القطب السالب حق البطارية .. بس ماتخليه ليلة كاملة هذا مبالغ فيه واااجد ترى .. تفكه وتخليه دقايق محدودة وتركبه وتشغل السيارة وتخليها تحمى بالوضع الطبيعي ... خبارء ومهندسي الهوندا تعرف ويش يقولون ؟ يقولون 30 ثانية فقط تفك السالب .. وبكذا انت سويت ري سيت حق الاي سي يو ...
الثانية وعلى كلام خبراء الهوندا في امريكا وغيرهم انه تروح علبة الفيوزات اللي تصير في المكينة وتفك الفيوز المسؤول عن ادارة المكينة .. وبكذا سويت ريسيت حق الكمبيوتر.....
.......
الفاهمين في التزويد واللي يركبوا كل فترة شي على المكينة وانا اتكلم عن الاجانب .. على طوووول يسوون ريسيت حق الاي سي يو عشان يتأقلم ويفهم الوضع الجديد ويعطي قراءة صح ...
........
ومثل ماتفضلت اخوي انه الابيكسي ماله داعي مع الفلتر ..اصلا مايسووووي شييييي اذا انت مركب فلتر .. وحتى لو ركبت هدرز وكت باك مثلا .... هذا الجهاز الابيكسي اللي يركبه تحصل مركب تيربو كمثال ... والجهاز يوزن الPSI حق التيربو ويوزن كمية الفيول اللي تضخها الانجكترات وكمية الهواء وغيره ...
.........
اخوي محجوب ...كلامك صحيح من ناحية الابيكسي وانه حق برمجة ودي الشغلات .. بس انا اقصد كيف تسوي ريسيت الاي سي يو مال السيارة الاصلي ... وجواب The Godfather صح 100% وماعليه غبار
..........
في جهاز حق شركة AEM يشبه الابيكسي قيمته تقريبا من امريكا ب 7 الاف ريال .. طبعا هو Plug And Play تشبكه في ECU حق سيارتك ويجي نازل عليه السوفت وير من الشركة وتشبكه في اللابتوب وتبدأ ... هذا جربناه على سيارة صاحبي والحمدلله 100 % وكل شي تمام ... والحمدلله اعرف كيف ابرمج لك سيارتك اذا تبغى ..اهم شي العدة والباقي علي :cool:
.....
انا واعوذ بالله من كلمة انا .. كل شي في سيارتي انا اركبه وافكه بنفسي .. وعارف كل شي في السيارة من والى ...
.......
انزين بسأل سؤال بعد للفاهمييين ....
وين يصير الاي سي يو ECU ..في الهوندا الاكورد ؟؟؟:)
....
اللي يعرف وين يصير اقول عنه فاهم بزيادة .. بس عشان اثبت لكم انه انا ما اتكلم من فراغ وبس .. انا اتكلم عن تجربة وخبرة والحمدلله فاهم في كل شي
......
انا ما اشارك كثير المنتدى بس هذي المواضيع لازم الواحد يبدي خبرته ورأيه للجميع
.....
والعذر والسمووووووووووحة للكل ولي رجعة بعد:)
....
سلام

^^^^^
خلف الدرج اللي بالنص .. قدام القير !

لأعرفه قدام الراكب الأمامي خلف الدرج من تحت :)

يكون عند الراكب الامامي تحت في علبه سوداء خلفها تمام ........ تحتاج بعض الاحيان الى فك الديكور...
واذا عن نفسي جربت ....واذا فكيتها اذا عندك تركب تشبك قطعة الابكسي وبس..