فززززززززعتكم ياشباب لـ ن ك د والأخطبوط

مساء الخير للجميع

ياشباب محتاجيييييييييييييييييييييين فزعتكم وخصوصا" اهل شرق الرياض

نبي دوران 24 ساعه والبنزين علي ماعندكم مشكله بس اهم شي فزعتكم <<< مو وقته يبو:(

اليوم الساعه 8 ونص تقريبا انسرقت سيارة اخونا الأخطبوط :(في الرياض حي السلام على شارع الزبير بن العوام

المواصفات:

اكورد 2006

اللون لؤلؤي

V6 ;)

اللوحه *** ***

الرجاااااااااااااء كل الرجااااااااااااااااااء على من يحصلها يتصل على رقمي ********* -- ********* ويزعج ابو جدة امي ليل نهار ماعندكم مشكله بس افزعوا لنا :( <<< اول مره اطلب فزعه من احد بهالشكل:o

تكفووووووووووووووووووووووووووووووووووووووون

مانقول الله لايوفقه بس نقول الله يهديه ويصلحه :cool:

محبكم

ن ك د الســعــوديه 3 5 7

يا ساااااااااتر :eek:

ابشر بعزك انواااااع الدوران << حارتنا

الله لا يوفق اللي سرقها

ان شاء الله نلقاها قريب

اي مدينة الدمام

اذا غيرها ماأقدر اخدمك

ياشباب والله يا نفسي ادعي عليه دعوه تجيب راس جدة ام اخت ابوه بس الصبر زين والدعوه الطيبه احلى

ادعوا له بالهدايه

تلقونه يمر بظروف الله العالم عنها او يمكن مراهق بس مانقول الا الله يهديه ويصلحه

خلونا قدوه حسنه لغيرنا

صبر جميل والله المستعان

:cool:

ماتقصر يا o-k-r

بس تلاحظ مكتوب لأهل شرق الرياض ;)

ويعطيك الف الف الف عافيه حبيب قلبي


تمت اضافة ((في الرياض)) لعيونك

ابشر بعزك بغرب وبجنوب الرياض ..:)

مستحيل يصرقها ويقعد بنفس المنطقه :(

لا حول ولا قوة الا بالله
حسبي الله عليهم:mad:
ابشر بعزك سيتم البحث عنها
ونتمنى ان تعود لصاحبها سليمه ان شاء الله:)

من خلال جوله سريعه على حي السلام ما فيه اي تفحيط او تجمعات

والدوريات شغاله اليوم زين غريبه

همتكم يا شباب

إن شاء الله ترجع له سليييمه يا رب :(

ما قلت لنا كيف انسرقت ؟

الوعد بعد الساعه 12 الله يستر بس :(

لاحول ولاقوة الا بالله..........:(:(

الى متى هالسرقاااااات تجري وبدون حلول؟؟؟؟؟؟؟؟؟؟؟؟؟

مااقول الا الله يردها لأخونا حسااام سالمة > وينتقم من اللي سرقها!

والله يابو سليمان سالفه طويله

بس اذا لقاها ان شاء الله هو يعلمكم بالسالفه

اهم شي الحين نلقاها بعدين نقول كيف انسرقت

السؤال وينها موب كيف انسرقت;)

ابشر بعزك ماطلبت شي اخوي ن ك د

دام عزك يا الغالي ( هوندا وبس )

:( لا حول ولا قوة الا بالله :(
الله يصبره ويكون في عونه
:) وان شاء الله يلاقي سيارته سالمه اليوم قبل بكرة :)

حالياً .. عممت على 3 في حي السلام ..

اذا لقوا شي بيعطوني خبر ..

طبعاً أكيد حسام بلغ .. ولا يانكد ؟؟

(( والله كاتب ورقه برقم اللوحة وجوال نكد بجيبي))

حسبي الله عليه ..

وإلى حسام (( صبر جميل والله المستعان ))

ياساتر استر:eek:
ابشر بعزك يانكود انت واخونا حسام ماطلبتوا شي

بس ياريت اللي عنده خبره في اماكن التفحيط يكتبها هنا

وان شاء الله يلقاها سليمه يارب

الله يعطيكم العافيه ياشباب على ردودكم

مازال البحث جاري .....

طبعا اخوي black accord 2008 الاخطبوط بلغ عنها

ياليتني في الرياض كان خدمتكم لاني اربعه وعشرين دوران وفكل مكان لكن مانقول غير الله يعين وانشالله السياره ترجع سليمه ومافيها شي

تم التعميم في الدخل المحدود ركزو على النسيم والنظيم احتمال كبير الحرامي كون من هناك لقرب حي السلام منهم

الدخل كلمت ربعي المهجولين وان شالله خير

ادعو عليه

ما فيه احد في وسط البلد لن سيارت كثيره تلقي هناك وسيارتي يوم انسرقت حصلتها هناك

لن مو معقول الي سرقها بيجلس في حي السلام

اذا كان مو محترف تفحيط ممكن يكون رمها الحين

او سوا فيها جريه سرقه وتركها وذا الي اتمناه

نبي واحد من وسط البلد

طالع اتسحب في الدخل

اخوي لاتدور في شرق الرياض فقط دور بجنوب الرياض اماكن التفحيط اكيد ثم اكيد هي موجوده هناك


والله يعينه ومالك اللي معسكر بجنوب الرياض ازهله

الله يردها له ..سالمه أنشاء الله
حسبي الله ونعم الوكيل

جاري البحث.............................


الله يردها له سالمه

وش آخر الأخبار؟

لاحول ولاقوة إلا بالله ، بصراحة خبر مزعج جداً لأخونا وحبينا الاخطبوط وإن شاء الله جاري البحث عن السيارة خصوصاً حي السويدي والعريجاء والبديعة .

تحياتي ،،،

بعد ال التدقيق والتسال الدخل ما فيه تفحيط اليله او اي موكب

لازال البحث جاري عن السيارة

يعطيكم العافيه جميعا بدون إستثناء على ردودكم ودعواتكم الصادقه

السيارة تم التعميم عليها عند الدوريات بعد السرقه مباشره

وتم تسجيل محضر بالمركز وعمل كشف طبي بالمستشفى وعطوني اجازه مرضيه يومين (أهم شيء :p)

أوصاف السيارة وقت السرقه اللي ممكن تساعد في البحث

شكمانين بالخلف وعلامة V6 + زينون بالواطي فقط + كشافات مستطيله

السارق صغير بالعمر نقول 17 سنه

وماقصرتوا يالغاليين

لا حول و لا قوة الا بالله

معوض خير يا الاخطبوط

و بنسوي الله نقدر عليه ان شاء الله

الله يرجعها لك سليمة ان شا الله

لاحول

ان شاء الله ترجع سليمه

وجاري البحث .......

لا حول ولا قوة الا بالله ...

معوض خير اخي الاخطبوط ...

مافي اليد حيله للاسف

:( طيب عدلو العنوااان واللله يجييب سكته قلبيه ....
لاحول ولا قوه ال بالله العلي العظييم
الله يصبرك اخوي
وان شااء الله تلااقيها باسرع وقت
ادعوووله ياشبااب لاتقصرو رجاءاً ....
وللأسف ما باليد حيله ...:(

لاحول ولا قوة الا بالله العلي العظيم

الله يصبرك على بلواك يا حسام :(

وان شاء الله انها ترجع لك سالمه وفي اسرع وقت .

ان شالله يكون رمى السياره الحين وتكون سالمه ان شالله

الله يدلكم

اقتباس:

---

المشاركة الأصلية كتبت بواسطة الملكـــــةاكـــــورد

ياساتر استر:eek:

ابشر بعزك يانكود انت واخونا حسام ماطلبتوا شي

بس ياريت اللي عنده خبره في اماكن التفحيط يكتبها هنا

وان شاء الله يلقاها سليمه يارب

---

عندك حي السلي ..

بالنهضه شارع لعيونك مقابل ماكدونلد ( شارع الامير بندر كنك متجه لانكاس)

شارع دريم بعد كبري الفحص على اليسار

شارع البحري >> مخرج عثمان بن عفان على شارع الملك عبدالله

شارع البركسات >> امام مدارس المملكه

دائري الدرعيه

هذي الشوارع الي اعرفها بالنهضه او حولها

ان شالله ترجعله سليمه

إنا لله وإنا له راجعون .. الله يصبرك ياحسام ..

الله يرجعها لك بالقريب ..

لاحول ولاقوة الا بالله

الله يرجعها لك سليمه باذن الله
وجاري البحث عنهااا