,
أهلا مرة ثانية بالشباب...
ميدو مشاكل :
حيّا الله مؤيد , أخبارك ؟ عساك بخير إنشالله .
تسلملي يا غالي على هالكلام الحلو :o , ما أقدر أنا على كدا و الله :d .
شكرا على مرورك حبيبي .
first :
أهلا يا سلطان , إنشالله تكون بخير حبيبي .
و الموضوع موجه لكم , و إنشالله بأخليك تعدل الـ V6 بس خلّيني أنزل موضوع عنها :d .
شكرا على ردك حبيبي .
A N M A R :
أهلا يا أنمار , أخيـــــراً نويت على الإنتيك, أقوى تحية لك .
سعره .... يمكن تلاقيه بـ 350 ريال , يمكن تلاقيه بـ 660 ريال , يمكن بـ 950 ريال و هو النوع الأفضل بالتأكيد .
و كلها حلوة و ممتازة , و إحنا كلنا مركبين إنتيك SPW و الفلتر عاد الشباب كل واحد و الشركة إللي يرتاح معاها . بس ما تفرق كثير من شركة للثانية
و ما يحتاج قروشة و لاشي , أنا آخر مرة نظفت الإنتيك قبل تقريبا 3 اسابيع , و فك إنتيك الوكالة حوسة و قروشة أكثر من لما نركب إنتيك رياضي.
على العموم , إذا نويت و صملت . رقمي عندك ....
Pink Dream :
أهلا حبيبي , وشكرا على كلامك الحلو .
و يشرفني وجودك و وجود ردك هنا بالموضوع يالغلا و إنشالله عما قريب موضوع كامل عن الـ 2008 .
ألف شكر لك .
AlGaTTaS :
أهلا بالغالي .
تسلم على ردك و على تعليقك على الموضوع , و لا تحرمنا تواجدك .
B я H o ற :
أهلا حبيبي .
بالنسبة للتعديل , فهي هواية و كل واحد و هواياته بسيارته
مثل ما إنت تحب السيارة نظيفة و شكلها شد بلد و نصبتها تكون وكالة , إحنا أمثالنا نحب التغيير , نحب نكون متفردين :d , لما يكون معاك 4 سلندر و تقدر تطلع على الـ 6 سلندر و تمسك مع 8 سلندر .
إيش راح يكون شعورك ؟ أكيد بتنبسط .
كيف الناس تطالع سيارتك ؟ أكيد باحترام و خوف من التجربة معاك , و راح يقولون جا فلان بالأكورد , لحد يحاول يجرب معاه.
و إذا كان رأيك إن هالتعديلات ما تناسب الأكورد فأنا أحترم هالرأي , لكن لو دخلت لمنتديات أجنبية للهوندا و منتديات التزويد , صدقني راح تكبر الأكورد في عينك و تغير وجهة نظرك نحوها .
أتمنى ما تعبر كلامي نقد , لكن أنا لي وجهة نظر و بأدافع عنها , و أنا أحترم وجهة نظرك .
شكرا لك على ردك حبيبي , و يسعدني وجود بصمتك في موضوعي .
momo :
أهلا و سهلا
يعطيك العافية على ردك و مرورك أخي العزيز , و إنشالله بيستفيدوا أصحاب هالموديل من الموضوع ;) .
ألف شكر لك .
Halo 5 9 5 :
أهلا أخوي , و طبعا الـ Apexi ما بيعطيك فرق إذا كنت Stock , و مثل ما تفضلت كل مازادت الهوائيات زادت القوة المستخرجة من القطع للـ Apexi .
و ما شالله , حسب القطع إللي عندك مستواك بيكون حلو " ما شالله تبارك الله " .
وبعدين اجي جده واجرب معاك...
ليّا الشرف إني أجرب معاك حبيبي , و حياك في جدة بأي وقت.
شكرا على ردك و وجودك حبيبي , و لا تحرمنا هالطلة الحلوة .
أبوكرم :
هلا بأبو كرم , يالله حيّهم .
الفرق بين اللونج و الشورت , هو إن الشورت بيسحب هواء من داخل الكبوت فكمية من هالهواء بتكون حارة بحكم حرارة المكينة , و بالتالي راح يكون عندك عزم حلو , لكن اللونج بيسحب هواء من خارج السيارة مباشرة و هذا الهواء غالبا ما يكون بارد و خصوصا في مثل هالوقت من السنة , بتشوف عزم حلو و أفضل من الشورت , لكن من ناحية الأكورد و حسب تجربني . ما أشوف إن فيه فرق في اللونج و الشورت غير صوت الإنتيك نفسه .
اللونج صوته أحلى
عارف هالقطعة , في فترة جات منها دفعة هنا بجدة و كان سعرها بتراب الفلوس , بـ 350 ريال بس . لكن خذ في علمك , ما في شي من الهوائيات ينشبك على كهرباء أو بطارية و بيعطيك هالفرق " 25 حصان "حصلت قطعة في النت تتركب بين الفلتر و الإنتيك (شبيهة بالسوبرتشارج) بس تشتغل عن طريق الكهربة و مكتوب إنها تعطي إلين 25 حصان و هذي صفحتها
و عقبال ما نشوف موضوع راس ال K20A2;)
أووووه , لا تقلب المواجع , اليوم و قبل ما أكتب الموضوع راح عليّا راس K20 من الأردن بـ 2200 ريال بس. يا بلاش .
شكرا على ردك و مداخلتك الحوة يالغالي , و إنشالله يكون الموضوع أعجبك .
البــــــاشا :
هلا حبيبي
بالنسبة للمحافظة على الفلتر , تنظفه مرة كل شهر إذا إنك مرة معتني , و أنا بالنسبة لي , كل 3 شهور مرة وحدة أنظفه , و أيضا يعتمد عندك على حالة الجو , إذا كان غبار و عج فيستحسن تنظفه , أما إذا الجو عادي و حلو , فروح و ما عندك مشاكل .
أصلا الفلاتر المشهورة مثل الـ K&N تجيك معاه ورقة ضمان طول حياة الفلتر أو 160.000 كلم ;) , يعني ممكن تغيره خلال هالفترة و ما يكون فيه شي أو ضرر لا قدر الله .
الهيدرز و الإكزوست و البكرات , ما يحتاج لهم شي . ركب و أنسى
لكن بين فترة و الثانية إذا لاحظت إن عزم السيارة نزل , روح محل شكمانات و خليه يشوف لك السيارة من أسفل إذا كان فيه تنسيم من أماكن اللحام لأنها تحصل كثير .
و إنشالله هالقطع مالها أي تأثير على السيارة باستثناء البكرات , لأن أخوي كان مركبها على ألتيما V6 و بعد ما فكها صارت السيارة تنتع معاه في القومة و لما يدبل بنزين .
وهل فيها اصوات عاله من المكينه
الصوت مو راح يطربك , إلا راح يخليك تغني على نغمته , الصوت إجمالا يعتمد على نوع الكنداسة الرياضية إللي راح تركبها و على حجم الإكزوست . بالنسبة لي قبل أسبوعين تقريبا أنصكيت مخالفة تفريغ كنداسة عشين الصوت
و الله يعافيك يا غالي .
محجوب :
هلا بمحجوب
الله يعافيك حبيبي و يبارك فيك .
المبلغ (اقل من 10,000) فأنا اشوف انه مقبول جدا جدا خصوصا ان القوة الصافية تطلع فوق ال200 حصان
طبعا المبلغ رائع و حلو بالنسبة لها القوة
و حيّاك باي وقت , و إنشالله الشي إللي تبيه بيصير .
شكرا على ردك و مشاركتك حبيبي .
niceboy_077 :
هلا أخوي , حياك حبيبي .
انا عندي هوندا اكورد 2006 اربع سلندر لو بركب دبه ثانيه زي السته معى الهدرزات والبواجي والرامير بتفرق
شوف بالنسبة للدبة الثانية أنا كنت مركب دبتين رياضية و شابكهم مع بعض و بكل صراحة نزل عندي العزم , رغم إن المفروض يصير العكس , بس لأن ضغط المكينة واطي و الإكزوست حق بلدها ما يجي حتى 1.5 إنش , فأعتقد لها الأسباب نزل العزم عندي و عند واحد ثاني من الشباب . هذا إللي أقولك هو من تجربتي :( .
أما عندك مثل محجوب , ما شالله تبارك الله مشبك كنداسات الوكالة و ما هو حاس بفرق , إلا شي بسيط بعد الـ 120 , إذا هو دخل مرة ثانية على الموضوع أتوقع بيفيدك أكثر إنشالله , لكن بالنسبة لي و كوجهة نظر , أنصحك لا تسويها :( .
إذا بتركب إنتيك و هيدرز , ركب و روح ما عندك أي مشكلة , بالعكس راح تنبسط من العزم الجديد
شكرا على ردك يالغالي و الله لا يحرمنا منك .
ـبطرانـ2005ــ :
هلا فيك
طبعا , 220 حصان شي جامد و جبار على 4 سلندر . و إنشالله نشوف منك مشورع كدا قد الدنيا .
ألف شكر لك على ردك حبيبي .
ieboo :
هلا بالغالي .
إنشالله بأنزل تعديل على الـ 2008 - 2009 للـ 4 , 6 سلندر . بس خلّيني أجمع لكم المعلومات بعد فترة , لأن سياراتكم جديدة و توها ما نزل لها قطع . حتى إنتيك لازم تفصلونه :p .
شكرا على ردك و مرورك يالغالي .
xHeartcoreboyx :
أهلا حبيبي .
بس معليش , عندي تعليق على كلامك بالنسبة لعدد الأحصنة , و أنا بأتكلم بإثباتات و أوراق شفتها قدام عيني
في واحد جاء معانا التجمع الأخير إسمه محمد , مركب على سيارته إنتيك Simota و هيدرز DC Sport و إكزوست من FOX مع دبة DNX .
الموضوع و ما فيه إنه بدون برمجة و بدون أي شي القطع طلعت له فرق بـ 38 حصان أول مرة , الثانية 39 حصان , و الثالثة و الأخيرة طلعت معاه 38 حصان مرة ثانية .
و هذا على داينو MC Performance بجدة . فتتوقع لو نزل البرمجة و البكرات بيطلع الفرق مزبوط و قوي ;) .
إنت لو تتعمق و تقرأ في التعديل بالتفصيل راح تلاقي إن كلامي صحيح , محركات هوندا قوية و رائعة , لكنها الأعقد في التعديل , يمديك بـ S2000 توصل للـ 600 حصان بشوية قطع و برمجة بس
أتمنى تكون فهمت علي حبيبي , و ألف شكر لك على مرورك و ردك على الموضوع .
Jack :
أهلا بالغالي
شكرا لك حبيبي على ردك و مرورك على الموضوع , و حياك الله
تحياتي لكم يا شباب
أخوكم : خـــالـــد .
مواقع النشر (المفضلة)