لمن يريد مقياس درجة الحرارة الخارجية

تدرون ياشباب وش اللي خلاني اترك تركيب الاكسسوار اخر الحلول !!
لان مافيه احد فنان يركبه وياليت لو استفدنا من الشباب المبدعين بالمنتدى امثال محمد (922) و accord 06 وبدل ماتروح فلوسنا على ناس ماتستاهل ويجربون فينا تروح للي يستاهلونها .. طبعاً هذا اقتراح وفي وقت فراغ الاخوين المبدعين :)
وبالنسبة للمكيف حنا تقريباً 99% متأكدين انه نفس مكيف ال 6 سلندر وال 1 % الباقي لين نشوف رقم قطع الغيار .. واللي تبين لي ان اي اكورد فيها تحكم بالمناخ للسائق والراكب معناها ان فيها درجة الحرارة الخارجية كتجهيز من المصنع .. طبعاً هذا خارج السعودية

تحياتي وتقديري للجميع

معليش يا شباب ما راح اقدر اتابع معكم الموضوع بالفتره الجايه

لان اختباراتي تبدا السبت

ان شاء الله ارجع و القاكم حالين الموضوع :cool:

الله يوفقك اخوي accord 06 ولو اننا بنفقد واحد من اكبر الداعمين للموضوع ولكن اهم شي مصلحتك وبالتوفيق ان شاء الله .. واتمنى ترجع ونكون حلينا الموضوع او على الاقل عرفنا وش السر .. وبالنسبة لخطاف فانا اتوقع لو قدرنا نسوي مثل ماسوا فراح يكون المؤشر طالع وبقراءة صحيحة .. صدقوني
بس مشكلتنا اننا ماندري وش سوا خطاف لانه منقطع من شهر 10 عن المنتدى
لكن اتمنى ن ك د يساعدنا لانه هو واسطتنا بالوكالة .. وياليت اخوي ن ك د تسأل الفلبيني اللي قلت لك عليه واللي اسمه ( إدي )
انا من ناحيتي مع احترامي للاخ خطاف الا انه غلطان بشي ومااتوقع ان بمجرد تشييك على الفيوز وارجاعها محلها يطلع المؤشر والدليل اكثر من عضو سوا الحركة ولا صار اي شي .. اتوقع هو سوا شي ثاني وطلعت عنده الحركة بس هو مايتذكر ايش سوا بالضبط
لكن من ناحيتي انا اتوقع ان السالفة فيها تفعيل من كمبيوتر السيارة يعني او فيه شي مفصول وهو اللي مخليها ماتطلع القراءة .. اتمنى نلقى حل

والله تحطيم يا ن ك د :(

بس ماجبت رقم المكيف >>>>>> شكلهم بيطلعوا كلهم واحد والسالفه تصريفه من الوكاله

ملاحظه: تذكرون وش قالت الوكالة عن التحكم بالصوت من الدركسون ووش سوى الدكتور accord 06 وكيف الحين شغاله ولا أحلى :cool:

طيب عندي سؤال

فوق الطبلون عند الزجاج الأمامي بالنص فيه حساس حق الشمس زي ماقريت بالكتالوج

هل هو يشتغل بالأكورد 4 سلندر فل كامل >> ماهي فائدته >> وماهي علاقته بالموضوع لأنه موصل بـ climate control unit


يعطيكم العافيه
accord 06 الله يوفقك بالاختبارات :)
M.A.M تكفى طلع لنا الحل خلها تصير مفاجأه لـaccord 06 :)
ن ك د وينك مارحت الوكالة المره الثانيه >>>> شكلك انت اللي بتجيب الحل :cool:
922 لاتحرمنا من خبراتك :cool:

والله يالاخطبوط ما باليد حيلة .. والله انت عارف انا ودي والله وابحاول باللي اقدر عليه والله يسهل ان شاء الله وحنا ننتظر ن ك د يرد لنا عن رقم القطعة او يجيب لنا معلومة خطيرة لاني تأكدت ان المكيفين نفسها بالضبط ومثل ماقال accord 06 مستحيل يطلبون مكيف مختلف لنا ويخصصون خط انتاج .. لكن السالفة فيها شي ناقص والله العالم انه في احد هالافياش لاني مااتوقع انه برمجة لانه مايحتاج برمجة وحتى السياحي يطلع فيه والدليل انها طلعت عند خطاف .. يعني السالفة فيوز ناقص او فيش مفصول واتوقع السر ورا الطبلون او بالافياش اللي عند صندوق الفيوزات حق السواق لان فيه افياش كثيرة واتوقع السر منها
بانتظارك اخوي ن ك د نبغى معلومة خطيرة تكفى حاول بخويك ان شاء الله يدبرها .. واذا تقدر تخليه يسأل الفلبيني (ادي) عنها علشان نجمع المعلومة من اكثر من شخص بالوكالة
فيه شي شدني بهذي المشاركة
http://www.hondaarabia.com/club/show...&postcount=158
وشي الحركة اللي اخطر من سالفة المقياس .. لان سالفة المقياس عندنا سالفة تعجيزية واذا كانت هذي اخطر فهي بتطلع قنبلة :) اذا مافيها احراج ياليت لو تحط لنا وشي هالحركة ووش فايدتها .. لان انت عارف الواحد يستمتع بموتره كل مااكتشف شي جديد

تحياتي وتقديري للجميع

السلام عليكم

انا متابع الموضوع والعين بصيرة واليد قصيرة

سيارتي سياحي ومااقدر اسوي شى

اما سالفة خط انتاج خاص او تعديل لنا بس

ترى تجي لاتستبعد اعطيك مثال

فيه فرق بين مسجل الخليجي والامريكي
الامريكي 102.1 والسعودي 102.0 اذاعة MBC

يعني يقدر الوكيل يعدل ويطلب اشياء بسيطة

بس تقول مثلاً للمصنع ابي الستبنة علاق <<< تخيل :eek:
معصى نعدل تعديل جذري

اقتباس:

---

طيب عندي سؤال

فوق الطبلون عند الزجاج الأمامي بالنص فيه حساس حق الشمس زي ماقريت بالكتالوج

هل هو يشتغل بالأكورد 4 سلندر فل كامل >> ماهي فائدته >> وماهي علاقته بالموضوع لأنه موصل بـ climate control unit

---

هذا ياطويل العمر عشان اذا شغلت المكيف يختار الحرارة المناسبة


ن ك د

بنتظارك
ولاتنسى درج النظارة حق الفل كامل اللى فيه لمبة برتقالية تولع على القير >> ابلشتنا :p




تحياتي للجميع
محمد

اخوي محمد سيارتي تحت تصرفك باي وقت .. وانا متبرع فيها وبالتجارب عليها لعيون شباب المنتدى .. انا لو اني اعرف افكك كان حاولت بس المشكلة مااعرف افكك ولا عمري فككت شي .. لذلك انا متبرع بالسيارة وباقي عليكم تجيبون المهندس :) او انكم تدورون احد يعلمني وشلون افكك السيارة وصدقوني راح اجيب الحل اذا عرفت :) <====واثق :)
محمد والله توقيعك يعور البطن .. جتني قشعريرة يوم شفته :)
بانتظارك اخوي ن ك د
تحياتي وتقديري للجميع

هاي قايز

والله ياشباب لحسوا مخي الوكاله مره يقولون نفس الرقم ومره لا

بس تدرون انا اليومين ذي مشغوووووووووووووووووول جدا >> Honda ابي عند صفتي زي accord 06 مشغول جدا

هههههههههه

لا والله بأحاول اجيب لكم الخبر الاكيد اليوم ان شاء الله

واعذروني على التأخير تعرفون رجعت الدوام والحين مداوم

الله يعطيك العافية يا ن ك د
وحنا بانتظارك واعذرنا على ازعاجك ... بس انت عارف الواحد اذا صار في حالة انتظار يمر بظروف صعبة :)

ياشباب والعلم عند الله انها نفس الclimate control unit لل 4 وال 6
وتقدرون تتأكدون بأنفسكم من هالمواقع حتى تقدر تدخل ال VIN اللي هو رقم الشاصي ويطلع لك القطع حقت سيارتك بس الغريب انه يطلع لك اذا دخلت رقم الشاصي ان المكيف عادي وليس اوتو مع مسجل 6 سيديات مثل الصورة اللي حطها accord 06 مع العلم ان المكيف هو اوتو مثل اللي يجي بال 6 سلندر واللي يجي بال EX-L وهذي هي المواقع :

http://www.collegehillshondaparts.com

http://www.bernardiparts.com/SearchOptions.aspx

http://www.hondaautomotiveparts.com/...artsSearch.jsp

تدرون وش اكثر شي يعجبني في الهوندا الاكورد ؟؟
ان الدعم الفني لها على الانترنت والمعلومات عنها كثيرة جداً اكثر من اي سيارة ثانية :cool:

بانتظار تأكيدك يا ن ك د والله يعينك على اشغالك ومعذور والله .. وبانتظار اراء بقية الشباب لكي لاينام الموضوع وتقل الحماسة .. انا قلت ابقعد 5 ايام مااخش المنتدى وابرجع ان شاء الله والقى تطورات جديدة .. وفعلاً لقيت تطورات ان الموضوع رجع للصفحة الثانية :)

ياشباب تعرفون محل تأجير سيارات يأجر اكورد V6 ؟؟ اللي يعرف بالله يدلني عليه واكون لكم من الشاكرين

تحياتي وتقديري للجميع

^^^^^^

الأعضاء الي كانوا يشاركوا انشغلوا شوي حتى ن ك د اختفى ،،،

أما عن محل يأجر V6 ما أعتقد تحصل :d

شف شركة ذيب يمكن تحصل ...

السلام عليكم
توني ياشباب مريت الوكالة وسألتهم عن المكيفين (فل 4 وال 6) وطلعت كلها تحمل نفس الرقم :)
وياليت اي احد يعرف محل تأجير يأجر اكورد 6 سلندر يدلني عليه

الله يعطيكم العافية

سلااااااااااااااااااام عليكم

معليييييييييييييييييييييش على التأخير ياشباب واعذروني والله دوام وقلق واشغال وخلوها على ربكم

طيب نرجع لمحور حديثنا

M.A.M غريبه

على كلام الوكاله ان المكيف نفسه يختلف 4 عن 6 سلندر لان الكمبرسور حق 6 براسين

لكن اذا تقصد الكنترول حق المكيف الي مع المسجل فهذا ممكن يكون نفسه اللي في 4 نفس اللي في 6 سلندر

ومن ناحية اكورد 6 سلندر وين تبي في الرياض والا وين ؟؟

ورد لي خبر


ومعليش مره ثانيه على التأخييييييييييييييييييييييييييييير

انا اقصد الـ CENTER MODULE هو نفسه بال 4 سلندر(الفل) وبال 6 سلندر
وباقي عليك يا ن ك د .. متى مافضيت .. تقول لخويك السالفة وانها نفس الشي وتحاول تجيب منه اي معلومة تفيدنا وبالنسبة للاكورد 6 سلندر ابغى محل يأجرها في الرياض
ومشكور وماقصرت يا ن ك د وعادي يارجال التأخير ومعذور والله .. مو مشكلة التأخير اهم شي يظل التواصل الى ان نجد الحل :)
واشكركم يا BLK ويا beckhaam على تفاعلكم ومشاركتكم وبانتظار الاخ accord 06 لخبرته الكبيرة وايضاً اتمنى من الاخوين الكبيرين محمد (922) و NEOFOX ان يساعدونا باللي يقدرون عليه

وهذا اللنك ياشباب تحصلون فيه القطعة المقصودة واللي هي :
وحدة التحكم بالمناخ (climate control unit) واللي تبين انها نفس الشي بال 4 الفل وبال 6
http://www.bernardiparts.com/SearchR...0_009_0005.GIF

وهذا رقم القطعة عند عبدالله هاشم لمن اراد التأكد
39050-SDA-Y21ZA ماجت معي مرتبة :( لكن هذا الرقم بالترتيب من الاعلى الى الاسفل

39050
-
SDA
-
Y21ZA

اسف على الاطالة
تحياتي وتقديري للجميع

يسلمووووووووووووووووووو
والله يعطيك العافيه حبيب قلبي

وانت تامرني امر ياقلبي

انا بالخدمه اذا تبووون شيء تامروون امر ...

هلا والله بالشباب
أنا معي 4 سلندر فل أوبشن
واشتركت في هذا المنتدى بعد ما قريت هذا الموضوع
قلت هذولا خبيرين خلني استفيد منهم على العموم ياشباب
ما لاحظتوا شي في الملفات اللي حطها الشباب
اللي تشرح طريقة تركيب مقياس درجة الحرارة؟!!!!!!
أنا لاحظت إنه مكتوب مع القطع فيوز
الفيوز هذا تركبه تحت الدركسون في صندوق الفيوز
تحطه في رقم 33
أنا عاد قلت خلني أشيك يا ولد وش ضارك.
شيكت على الفيوز ووش المفاجأة ياشباب؟
إن الفيوز رقم 33 غير موجود في الخدمة مؤقتاً << متأثر بالاتصالات
قلت حليتها .
وانطلقت لا قرب محل يبيع فيوز وشريت واحد نفس المقاس.
بس
.
.
للأسف ما أشتغل.

بس العبره يا شباب إن فيه قطع ناقصه ومنها هالفيوز اللي ركبته
ياحسافت الريال اللي دفعته.
عاد عليكم الباقي ترى فيه أمل.

بس بعلمكم اني موجود ومتابع

ياليت لو السالفه فيوز >>>> وين خطاف اختفى واختفت معه حركته

Mam وش تبي تشوف بالاكورد 6 سلندر؟؟

M.A.M

احيي فيك هذا الكفاح :cool:


الحل بإذن الله بتركيب الاكسسوار وحساس ثاني مع الاول
وان شاء الله يشتغل تمام واختصار لكل هالمشاورير

ماعليك يالاخطبوط انت خلني القى محل يأجر اكورد 6 سلندر وان شاء الله اشوف الفرق بينها وبين ال 4 سلندر (الفل)
ومن ناحية الكفاح يامحمد :) فهو شغال على طول ان شاء الله وبالنسبة لتركيب الاكسسوار فهو فعلاً بيختصر كل هالمشاوير .. لكن السالفة احس صار فيها تحدي ومسكت غلط :) وبالذات يوم شفته طلع عند خطاف وهو ماسوى شي :) لذلك ابحاول اطلعه بدون تركيب الاكسسوار .. لان يمكن تكون شغلته بسيطة وحنا ماندري .. وتصدقون ياشباب اني استفدت من الموضوع كثير ومن البحث في المنتديات الاجنبية وعرفت معلومات كثيرة وهذا اللي يخليني ماودي اتراجع واركب الاكسسوار .. لاني ودي اكتشف السر :) عموماً ان شاء الله تكون السالفة سهلة ويجيب لنا ن ك د الحل من خويه اللي في الوكالة او يقول لنا السر في اي جزء بالضبط
واذا لاسمح الله ماقدرنا نشغله راح اطلب الاكسسوار ان شاء الله واركبه .. واحتمال اطلبه قريب واخليه عندي لين اخلص تجارب :)

ومشكور يا beckhaam وماتقصر والله
وحياك الله يا megdamAccord

تحياتي وتقديري لكل من شارك بالموضوع

عندي سؤال بشأن المقياس الاكسسوار

عندما تجده بالمواقع تلقى ملاحظه

انه لايمكن تركيبه على الموديلات اللي تجي جلد وكالة
وانه لايمكن تركيبه مع انوار الضباب او الكشافات

السؤال هو ليش لايمكن >>> تشملنا عدم الامكانيه ام لا

اقتباس:

---

المشاركة الأصلية كتبت بواسطة الاخطبوط

عندي سؤال بشأن المقياس الاكسسوار

---

اقتباس:

---

المشاركة الأصلية كتبت بواسطة الاخطبوط

عندما تجده بالمواقع تلقى ملاحظه

انه لايمكن تركيبه على الموديلات اللي تجي جلد وكالة
وانه لايمكن تركيبه مع انوار الضباب او الكشافات

السؤال هو ليش لايمكن >>> تشملنا عدم الامكانيه ام لا

---

زين اللي ذكرتنا
يعني مب اكيد لو ركبنا الاكسسوار بيشتغل

الجلد >> لان اي اكورد بجلد برا تجي بمقياس شد بلد
الكشافات >> لانها تستخدم نفس التسليكات
<< هذا الكلام لكشافات الوكاله بس اما الكشافات التجاريه
ما فيها مشكله

و حنا ضايعين ما ندري تشملنا عدم الامكانيه ولا لا :mad:
لانه كل شي عندنا موجود و موصل بس ما يشتغل

ياشباب انا تهورت وطلبت الـ Electrical Troubleshooting Manual اللي يسمى ايضاً ETM وهذي اول مرة اطلب من النت في حياتي والله يستر :) وان شاء الله اذا وصل الكتاب هذا راح يساعدنا كثير باذن الله وراح نلقى فيه اشياء مفيدة وتفاصيل دقيقة لاي شي الكتروني بالسيارة وراح يساعد على حل اي مشكلة وراح يساعدنا في موضوعنا الرئيسي اللي هو مقياس الحرارة الخارجية .. ان شاء الله يوصل بسرعة ومايطول والموقع اللي طلبت منه يقول راح ياخذ 10 - 15 يوم .. واذا وصل الكتاب ان شاء الله تتسهل امورنا بس برضو مايعني اننا نوقف محاولات بالمعلومات اللي عندنا .. ولي عودة ان شاء الله اوضح بعض الاشياء اللي ماشيكناها بتوصيل الحساس وان شاء الله نكتشف السر

اسف على الاطالة
تحياتي وتقديري للجميع

ياشباب آخر ماتوصلنا اليه انه على كلام الفني المختص وقعد معاي وتفاهمنا انا واياه

حتى انه قعد متجمد فتره يفكر وآآآآآآآآآآآآخر شي قال : لازم تركب طبلون 6 سلندر
وقلت له انه موجود كلمة OUTSIDE في الطبلون قال ايه بس ماتفيد بشي :(

يعني الحين ماندري هو من الطبلون واللا من المكيف الوضع كل ماله يتعقد

922 من ناحية اللمبه اللي فوق عند الفتحه قيمتها 270 ريال وهذا
رقمها G83250-SDC-A01ZB

وآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آسف جدااااااااااااااااا على التأخير :o

ماشالله

والله في تقدم

وانا بصرحه متابع الموضوع من اول رد الن اخر رد

بس ماكنت ارد :)

واحس انكم بديتو توصلون للحل ان شالله

وبالنسبه لموضوع الطبلون مااتوقع يختلف طبلون الـ 6 سلندر عن الـ 4 سلندر

لكن اذا كان يختلف كم سعره

اذا كان ارخص من الاكسسوار اركبه اصرف لي

ولا..؟

والله يعطيكم العافيه

وان شالله بتشتغل عندنا كلنا بدون اكسسوار :)

والله يعين...

اقتباس:

---

المشاركة الأصلية كتبت بواسطة M.A.M

ياشباب انا تهورت وطلبت الـ Electrical Troubleshooting Manual اللي يسمى ايضاً ETM وهذي اول مرة اطلب من النت في حياتي والله يستر :) وان شاء الله اذا وصل الكتاب هذا راح يساعدنا كثير باذن الله وراح نلقى فيه اشياء مفيدة وتفاصيل دقيقة لاي شي الكتروني بالسيارة وراح يساعد على حل اي مشكلة وراح يساعدنا في موضوعنا الرئيسي اللي هو مقياس الحرارة الخارجية .. ان شاء الله يوصل بسرعة ومايطول والموقع اللي طلبت منه يقول راح ياخذ 10 - 15 يوم .. واذا وصل الكتاب ان شاء الله تتسهل امورنا بس برضو مايعني اننا نوقف محاولات بالمعلومات اللي عندنا .. ولي عودة ان شاء الله اوضح بعض الاشياء اللي ماشيكناها بتوصيل الحساس وان شاء الله نكتشف السر

---

اقتباس:

---

المشاركة الأصلية كتبت بواسطة M.A.M

اسف على الاطالة

تحياتي وتقديري للجميع

---

ان شاء الله يكون الحل على يدك :cool:

امس فصلت الفيوز رقم 7 من داخل السياره
اللي هو فيوز الـ B-CAN
بعدين جربت طريقة فحص مشاكل المكيف و لا طلع شي
بعدين فصلت فيوز الدائره اللي بالكبوت و سويت الفحص و برضوه ما طلع شي


تدري ايدي يداوم الخميس ولا لا؟
بروح اشوف اذا قدرت آخذ منه شي

اقتباس:

---

المشاركة الأصلية كتبت بواسطة ن ك د السـعــــوديه 3 5 7

ياشباب آخر ماتوصلنا اليه انه على كلام الفني المختص وقعد معاي وتفاهمنا انا واياه

---

اقتباس:

---

المشاركة الأصلية كتبت بواسطة ن ك د السـعــــوديه 3 5 7

حتى انه قعد متجمد فتره يفكر وآآآآآآآآآآآآخر شي قال : لازم تركب طبلون 6 سلندر
وقلت له انه موجود كلمة OUTSIDE في الطبلون قال ايه بس ماتفيد بشي :(

يعني الحين ماندري هو من الطبلون واللا من المكيف الوضع كل ماله يتعقد

922 من ناحية اللمبه اللي فوق عند الفتحه قيمتها 270 ريال وهذا
رقمها G83250-SDC-A01ZB

وآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آسف جدااااااااااااااااا على التأخير :o

---

الله يعطيك الف عافيه اخوي نكد على اهتمامك :cool:

و برضوه ما اظن ان كلامه صحيح ان الطبلون يختلف

الطبلون هو نفسه من السياحي الى السته سلندر

بس الاختلاف هو بالاسلاك الواصله للطبلون

الظاهر اني فقدت الامل :( >>>> نفس الحالة يوم فقدنا الامل يوم التحكم بالصوت عن طريق الدركسون

بس يومتها فز الذيب accord 06 وحلها :cool:

من هو الذئب القادم :confused:

ملاحظه: لافقدت الامل ولايحزنون لكن بارفع الموضوع

والله ياشباب ماعاد ادري وش اسوي واللا وش السالفه :(

المهم اني بافكك السياره اليومين ذي من المكيف الى الطبلون الى الحساسات وباشوف وش السالفه والله يعيننا

على العموم انا حاس اننا بنلقى الحل خلال اقل من شهر ;)

اهم شي دعواتكم لنا :cool:

السلام عليكم
حيا الله الشباب
اخواني اعذروني على الغيبة اللي اعتبرها في نظري طويلة نسبياً :) لكن والله انا كانت الانفلونزا سادحتني اسبوع بالسرير وكنت اتابع الموضوع ولكن ماكان فيني حيل ارد :)
المهم : اخواني الكرام تسليك الحساس موصل ومضبوط بالـ climate control unit لكن الخلل او الشيء الناقص يكمن في النظام الذي يرسل الاشارة الى الطبلون ليتم ترجمتها الى قراءة وهو الجزء الذي نتوقع انا واخي accord 06 انه هو الـ B-CAN لذلك سأضع في اقرب وقت كل الاسلاك والاجزاء الخاصة بالـ B-CAN .. واذا وصل طلبي ان شاء الله راح يسهل الموضوع علينا ان شاء الله واتمنى يكون الحل في الـ ETM واكسب اجر الشباب :)
اخوي accord 06 انت تقول فصلت فيوز الدائرة اللي بالكبوت ولا طلع شي !! انت تقصد اي فيوز ورقم كم اخوي ؟؟

تحياتي وتقديري للجميع

الحمد لله على السلامه اخوي M.a.m
الفيوز رقم 15 بالكبوت

الحمد لله على السلامه M.A.M

تدفوا ياشباب هذا وقت الانفلونزا واتركوا عنكم البر والمهايطه :d

بالتوفيق يااخوان

انا متابع معاكم الموضوع من اول لآخر رد

المهم

وانا قاعد اقرا الردود جات ببالي فكرة

اغلب السيارات ( ان لم يكن كلها ) تحتوي على كيبل يقوم بوصل عداد السيارة الى الكمبيوتر

بصراحة استخدمت هذا الكيبل لاعادة برمجة سيارة اخوي ( كانت لومينا ss ) وقد قمت بتحميل ملف البرمجة من النت وكان الهدف منو جعل السيارة تعشق بعد ما يوصل الآر بي ام الى 6 بدل من 5

المهم اقترح ان نقوم بالبحث عن الكيبل في الاكورد

وعلى فكرة ياشباب احب الفت نظركم انو لو برمجنا العداد على ال6سلندر ماراح يجينا مقياس درجة الحرارة بس لكن راح يجي مقياس جودة زيت المكينة (oil life) و الفترة المتبقية على الصيانة الجية والكثير من المميزات الاخرى الموجودة بالست سلندر

سيارتي بالورشة وماقدر ابحث عن السلك بنفسي

السلك باللومينا كان بين الطارة ودواسة البنزين ( تحت الطارة بشوي )

لو اني افهم في كهرب السيارات كان ساعدتكم


لكن ان شاء الله اخر الصبر الفرج ....

اخوي accord 06 واخوي الاخطبوط الله يسلمكم من كل شر
اخوي imail حياك الله وان شاء الله تكون خير معين لنا وتساعدنا للتوصل الى حل
اخوي ميدو مشاكل حياك الله واذا كنت انت سبق وكتبت موضوع عن مقياس درجة الحرارة الخارجية في احد المنتديات فاهلاً بك فانت الذي اشعلت شرارة هالموضوع لاني ماكنت اعرف بوجود الحساس في الفل كامل 4 سلندر الا بعد ماقرأت موضوعك واشكرك على هالمعلومة الطيبة اللي اشعلت فينا الحماس وخلتنا مانيأس من وجود هذه الميزة في سياراتنا .. وعلى فكرة ترى الموضوع اللي انا اتكلم عنه قديم وكان في منتدى السيارات
وبالنسبة للتسليكات ياشباب انا مشغول هالايام وان شاء الله احاول باقرب فرصة اني احطها واتمنى يوصل ال ETM لانه طول .. طالبه من 2 ديسمبر والى ساعتكم ماوصل :( لكن ان شاء الله يوصل قريب واول مايوصل انا مستعد اعطيه لاي احد من الخبراء واعطيه موتري معه بعد بس نلقى لنا حل

واعذروني على قلة المشاركات في الفترة الاخيرة
تحياتي وتقديري للجميع

شباب .. ريحوا نفسكم من ها الاكسسوار الا سعره 1400 .. بصراحة ما يسوى
روح لك اي محل ابو ريالين وبتحصلوا فيه مقياس بـ 5 ريال ..
من صج اتكلم ..
ثاني شي وش تبون في درجة الحرارة الخارجية .. جونا معروف في الشتاء 10 وفي الصيف 50 .. ما يبيلها شي :d واعذروني على التحبيط .. :d

ابشركم ياشباب ال ETM وصل وان شاء الله قرب الحل :cool:
تصدقون وصل يوم الاربعاء بس المشكلة انه وصل للخبر والشركة اللي انا طالب عن طريقها يسكرون 6 ودقيت على واحد من عيال عمي هناك وكانت الساعة 5.30 وقال والله مايمديني وطبعاً الخميس والجمعة مايداومون :(
ماتلاحظون اني قصيت لكم قصة حياتي :)
على العموم ان شاء الله بكرة بيستلمه ولد عمي وبيرسله للرياض باقرب فرصة واذا ارسله راح احط لكم خبر هنا بالمنتدى وان شاء الله يكون الحل عن طريق هذا الكتاب

تحياتي وتقديري للجميع

^^^^ بنتظار تقريرك المفصل واي خدمة انا حاضر

accord 06 مراح يقصر

الله يبشرك بالخير

ان شاء الله على يدك بتنحل امور كثير

بس تخيل يسحب عليك ولد عمك وياخذ الكتاب له :d