الله شعووور جميل ان الواحد يسحب عليييك :d
عرض للطباعة
الله شعووور جميل ان الواحد يسحب عليييك :d
شكلك مجرب يا bechaam ;)
ههههههههههههههههاي:d
اما يابيكام من ناحية الشعور فاكيد مجرب ريال مدريد ناطلينك بالاحتياط ياخي شب عليهم قلهم ياتلعبوني ولا ترى باخرب:d
شغل الهايلكس وادخل عليهم الملعب >>>>> ابومساعد على غفله :d
بعدين يانكد لاتتشمت لاينسحب علينا بالتجمع خخخخخخخخخخخخ :d
حبيب قلبي ماعاش من يسحب عليييك ..؟
ههههههههههه
من ناحية السحبة الله يستر .. خصوصاً ان معه اكورد ويقدر يستفيد منه :)
على العموم ابشركم خلاص استلمه ولد عمي وصراحة ماشاء الله عليه غطى على ال Dhl والحين وصل للرياض بس انتظر اللي موصله يدق علي علشان اروح اخذه منه وهو بيدق يااما اليوم او بكرة ان شاء الله .. يعني بكرة ان شاء الله وباذن الله راح يكون عندي الـetm
ومن ناحية التقرير المفصل يامحمد والله اني مااعرف اسوي تقارير مثلكم ماشاء الله عليكم .. لكن ابشروا باللي اقدر عليه ان شاء الله
تحياتي وتقديري للجميع
اقتباس:
المشاركة الأصلية كتبت بواسطة الاخطبوط
لاماعليك لاتخاف ماحد بيسحب علينا :d
انا خايف ان التجمع يصير زحمه زياده عن اللزوم :(
ننتظرك :cool:
مساء اخير واناس نايمين >>>> بدلية هدية لنكد ياخي حرف اللام بالقوة ينضغط :d
M.A.M بشرنا هاه وصل ولا تم السحب عليك
ماش من يوم جاك الكتالوج وانت تتغلى علينا :d >>> امزح معك ياشيخ
بس تصدق مع الايام البارده هذي كان راكب معي واحد جاي من الديره يقوللي بالله كم الحراره الحين قلتله والله مدري بس يمكن 5 مئويه >>> مئوية ولا الجنادرية :)
المهم قال ليه انت ماعندك مقياس وسيارتك فل >>>> شوف التحطيم وهو معه كامري سياحي :mad:
والله وقتها كنت مستعد ادفع الـ1400 حقت الاكسسوار واركبه واريح راسي :p
تكفى M.A.M ترا تكفى تهز الرجاجيل
ابشركم الكتاب وصل وبنفس اليوم اللي قلت لكم ولم يتم السحب علي :) لكن للاسف سافرت للديرة علشان العيد وتوني راجع والله
ووالله انك صادق يالاخطبوط ان العالم كل يوم هاه كم وصلت درجة الحرارة عندك يافلان انا اليوم وصلت Ice والثاني يقول انا وصلت -2 تحت الصفر .. وفعلاً ذيك اللحظة مستعد ادفع اي شي بس يجي عندي مثل ماهو عند هالعالم .. لكن ان شاء الله اننا راح نلقى حل بحول الله وبإذن اللي ماتنام عينه .. على فكرة : انا في الطيارة مااستانس الا اذا قالوا درجة الحرارة الخارجية :)
وابشروا باللي يسركم ولو ان الكتاب يدوخ الراس شوي :) لانه كله دوائر كهربائية .. كل الدوائر الكهربائية في الاكورد من الالف الى الياء موجودة فيه وعلى العموم لي عودة ان شاء الله لاني اليوم جيت من الديرة وتعبااااااان
تحياتي
الحمد لله على السلامة M.a.m
شكلك صرت توسوس بدرجة الحرارة هههههههه
ان شاء الله نلقى الحل قريباً
الحمد لله على السلامه M.a.m
و922 من ناحية وسوسه كلنا وسوسنا بالمقياس حسبي الله عليكم
السلام عليكم ورحمة الله وبركاته
922 و ن ك د الله يسلمكم من كل شر
ومن ناحية الوسوسة فهي موجودة وان شاء الله نلقى الحل ونرتاح من الوساوس :)
ياشباب اعتقد والعلم عند الله ان دائرة الـ B-CAN Communication Line هي المسؤولة عن مشكلتنا التي نواجه
وفي هذا الرابط تجدون هذه الدائرة
http://www.driveaccord.net/forums/at...achmentid=6499
ومايهمنا هنا هو الكونكترات J,X,N,D وبالذات الكونكتر N
وفي هذا الرابط تجدون الكونكترات المطلوبة والموجودة عند صندوق الفيوزات الموجود داخل السيارة من جهة السائق
http://www.driveaccord.net/forums/at...achmentid=6500
ومايهمنا هنا كما قلنا من قبل الكونكترات J,X,N,D
J4 , X27 , N22,N28 , D11
فارجو منكم التأكد من ان كل مما سبق موصول بشكل صحيح
وللاسف اني مااعرف افكك اي شي بالسيارة وكنت متأمل ان الـETM فيه شرح لكيفية التفكيك والتركيب ولكنه كان فقط يبين الدوائر الالكترونية والكهربائية وكونكتراتها وصورها ويبين مواقعها فقط والتفكيك والتركيب كلها موجودة في الـ SERVICE MANUAL والـ ETM هو مكمل للكاتالوج الرئيسي (SERVICE MANUAL)
ولو فيه احد يقدر يشرح لنا كيف نقدر نوصل للكونكترات المطلوبة ونشيك عليها يسوي فينا خير
تحياتي وتقديري للجميع وبانتظار نتائجكم
والله ياشباب ودي اخدمكم لكن مالي خبرهـ بهالشيء ان شاء الله نستفيد منكم
هذا الملف فيه شرح لطريقة تفكيك الديكور و الوصول للكونكترات المطلوبه
http://www.collegehillshonda.com/ins...d/security.pdf
الله يعطيك العافية accord 06
انا حاولت اوصل للكونكترات المطلوبة بمساعدة الملف اللي حطيته ولكن الظاهر اني كسرت وحدة من الكلبسات :) انواع الغشامة :) على العموم ماقدرت اوصل للكونكترات على الرغم من اني فكيت الكيك بانل لانها الظاهر فوق الفيوزات بشوي او انها وراها
على العموم اللي شيك يرد لنا خبر
تحياتي
معليش و الله يا M.a.m
المشكله ما فيه وقت باقي اسبوع على الاختبارات و لا كان تابعت معك
ان شاء الله بعد الاختبارات نكمل
و اذا انت مستعجل تقدر تروح لاي محل يفكها لك و تشيك عليها بعدين يركبها لك ثانيه
بمبلغ بسيط
ياشباب انا مستعد ابدأ وان شاء الله من اليوم :cool:
طبعت كل الأوراق وبس ادرسها وان شاء الله بيبدأ التطبيق <<< اما تدرسها والله لو انك بتحضر بقر وتيوس على وزن( باكالوريوس) :d
مافيه مشكلة ياشباب التأخير أهم شي نطلع بنتيجة :) بس ودنا تكون قبل مايخلص الشتاء :)
وقبل ماتطلع ال 2008 لاني احس ان راح يكون في اقل نوع مقياس درجة الحرارة الخارجية :)
والله يوفقك يا accord 06 في امتحاناتك وبانتظارك على احر من الجمر .. بغيت اسألك لو تدلني على محل يفكها لي ويرجعها بمكانها بس يكون يعرف للاكورد مو يجرب فيني :)
اما بالنسبة لك يا ن ك د فأنا متوقع منك الكثير ان شاء الله يااما منك انت شخصياً او عن طريق اللي تعرفه في الوكالة .. ويعطيك العافية وبانتظار نتائجك واذا بغيت تسأل عن اي كونكتر او اي دائرة كهربائية في الاكورد فانا مستعد لك ولاي احد من الاعضاء بس بشكل كتابي مو مثل الملفات اللي حطيتها لكم لاني ماعندي سكانر :(
غلطت وعدلتها اتمنى اكون عدلت قبل ماتلقطها يا ن ك د
وتحياتي وتقديري لكم وبانتظار نتائجكم على احر من الجمر
نكد
بالتوفيق :cool:
و دامك طبعت الاوراق يا ليت تأشر على الاسلاك الناقصه بكل الكونكترات
عشان لو احتجنا شي ثاني بعدين ما يحتاج نفك الديكور مره ثانيه
M.A.M
ما اعرف محل محدد لكن شف محلات تكييس الارضيات
لانهم اتوقع يفكون كل هالقطع قبل ما يكيسون
او اي محل تخشيب بالغرابي
الشغله سهله ان شاء الله لا تخاف
فكها سهل مره
فك المسامير اللى تحت واخرع الديكور ايه ولاتنسى تفصل اسلاك ازرار فتحة السقف والتراكشن وال VSC
ماتاخذ ولا دقيقتين
وعلى فكرة الخرع يكون بشويش مو كنه موتر اجار !!
وعلى قولة الشايب يبيله لغلغة شوي :d لان الجفاسة شينة :mad:
صباح الورد
انا شاركت بسبب هذا الموضوع
وحقيقة استغربت انكم لم تجدوا حلا حتى هذا اللحظة !!!!!:confused:
مافيه احد ارسل للشركة الأم بشكوى او اقتراح او طلب حل لهذه المشكلة
واعتقد ان الكثيرين يريدون حل ومنهم أنا فقد سألت عن حل وخصوصا معايا فل 4 سلندر 2006
ولم اجد اجابة شافية حتى انني فكرت بالتوليف مثلا آخذ حساس الكامري واركبه او الكابريس
..الخ
فكرت فيها بس قلت الطبلون موجود فيه تايم آوت وناقص لك اكيد فيوز ويولع ويوجد استشغار حرارة
على الطبلون الأمامي في الوسط كي يوازن درجة حرارة السيارة اذا كان على الاوتو ويستشعر
حرارة الشمس واعتقد ان له اتصال بمقياس درجة الحرارة الخارجية بشكل او بآخر
اكيد فيه حل معين .
آخر اتصال لي على احد الهنود العباقرة في هذا المجال قال لي انه فيه حساس موجود عند
هوندا وهو قطعة صغيرة قيمتها 160 ريال يجب تركيبها بس (مهوب) عارف هل يلزم لها توصيلات
او لا ووعد بإفادتي وحتى الآن لم يأتني الرد
عموما لو احد له اتصال بالشركة الام عن طريق ارسال بريد الكتروني طالبا حل لهذا الامر
اكيد انهم بيتجاوبون معاه
تحيتي والمعذرة على الاطالة
حياك الله اخوي تركي التركي وإن شاء الله راح نلقى الحل بتعاوننا مع بعض
اخوي تركي .. لو تقدر تجيب لنا ايميل الشركة الام ونتفق هنا على نص للرسالة ونعلمهم المشكلة وشي بالضبط وبعدين يتكفل واحد انجليزيته تمام بإرسالها إلى الشركة الأم
اخوي تركي .. بالنسبة للحساس فهو موجود وجاهز وموصل بوحدة التحكم بالمناخ (climate control) ولكن المشكلة هي في الجزء الذي يرسل الإشارة القادمة من الحساس الى الطبلون ومن ثم نراها في الطبلون على شكل قراءة .. واللي خلاني اتأكد من هالنقطة لما سويت اختبار للحساسات الموجودة بالسيارة عن طريق المكيف يبين لك الحساسات الموصلة بنظام التحكم بالمناخ ومنها حساس درجة الحرارة الخارجية وفي البداية اجريت الاختبار ولم يظهر عندي مشاكل ولكن يوم فصلت الفيش حق حساس درجة الحرارة الخارجية واجريت الاختبار طلع لي كود في الشاشة يبين ان حساس درجة الحرارة الخارجية مفصول وهذا يؤكد ان الحساس موصول بوحدة التحكم بالمناخ لذلك يتبقى لنا مشكلة الجزء الذي يرسل الإشارة القادمة من الحساس الى الطبلون لكي تظهر لنا على شكل قراءة
وبغض النظر عن الاختبار الذي اجريته .. اخونا accord 06 الله يجزاه خير تفحص التوصيلات والأفياش بعدما حصلنا على الدائرة الكهربائية من أحد المواقع الأجنبية وتأكد من توصيل الحساس .. ولكن بقي بعض الأجزاء التي لم يتم تفحصها وذلك لانشغال بعض الاعضاء وايضاً لتأخر حصولنا على احد الدوائر الكهربائية المتعلقة بمشكلتنا ولقد بينتها في هذه المشاركة
http://www.hondaarabia.com/club/show...&postcount=212
ولكن الشيء الذي حير الجميع ولخبط حساباتنا أن أحد الشباب من الإمارات (خطاف) وسيارته من الطراز السياحي (أقل نوع) والسياحي الحساس غير موجود فيه ومع ذلك ظهرت عنده في الطبلون قراءة ولكنها بدون أرقام على شكل --- وذلك لأنه لايوجد حساس يرسل الإشارة .. فعلاً شي غريب . والأغرب ان يقول انه طلع له بعد ماشيك على الفيوزات اللي تحت الكبوت ورجعها مكانها شغل السيارة وتفاجأ بالـ OUTSIDE ظاهرة على الطبلون ولكن بدون أرقام --- لأن ماعنده حساس لكن حنا عندنا حساس لذلك ستظهر الـ OUTSIDE وبأرقام إن شاء الله .. بس مشكلتنا سوينا مثل ماقال ولا صار شي وهو اختفى من المنتدى وله أكثر من شهرين لم يزر المنتدى ولم تنفع الرسائل الخاصة لاستدرار عطفه :( <===متعوب عليها استدرار :)
اخواني الجديدين على الموضوع والمهتمين فيه تابعوا الموضوع من بدايته ويمكن تكتشفون شي أو ملاحظة كنا غافلين عنها وراح تحصلون صورة طبلون سيارة الأخ (خطاف) والدوائر الكهربائية والصور اللي أضافها الأخ accord 06 واللي بين فيها الأجزاء الموصولة وأيضاً صورة تبين مكان وجود الحساس
اخوي تركي ننتظر رد صاحبنا الهندي وياليت لو تبلغه النقاط اللي تكلمنا عنها وتجيب لنا العلوم
واسف على الاطالة والحماس الزائد :)
تحياتي وتقديري للجميع
حياك الله اخوي تركي معنا في المنتدى
تأكيد لكلام الاخ M.A.M ان الحساس موصل بوحدة التحكم بالمناخ
و الشي الناقص هو ارسال الاشاره الى الطبلون
هذي طريقه لفحص الحساسات الموصوله بوحدة التحكم بالمناخ
للتأكد من انها شغاله
1- و السياره طافيه اضبط درجة حرارة مكيف السائق على اعلى درجه او اقل درجه.
2- اضغط باستمرار على الزرين AUTO و DAUL .
3- حرك السويتش الى on ll ( بدون تشغيل السياره ).
4- اترك الزرين AUTO و DAUL ، و بتلاحظ ان مؤشر درجة حرارة السائق بدأ يبدل
باستمرار بين قرائتين .
هذي القرائتين هي : رقم القراءه و قيمتها .
مثلا القراءه 1 تمثل درجة الحراره داخل السياره .
2 درجة الحراره الخارجيه . ( هذي اللي تهمنا و تؤكد ان الحساس شغال )
3 حساس ضوء الشمس . ( الحساس اللي بوسط الطبلون )
4 حرارة موية الرديتر .
......... الخ توصل الى 9 .
و التبديل بين 1 ، 2 ، 3 ، ، ..... يكون بالضغط على زر ازالة الضباب من القزاز الخلفيه
<< آخر زر على اليمين .
و التفاصيل هنا بالصفحه 4 و 5
http://www.driveaccord.net/forums/at...achmentid=6887
الله يحييك
سؤالي ليش مانعتبر ان الحساس مش موجود ونركب واحد جديد ونسوي الطريقة
الموجودة بهالرابط
http://www.hondapartsdeals.com/Honda...temp_gauge.pdf
والحساس موجود من ضمن الاكسسوارات بهالموقع
http://automobiles.honda.com/models/...e=Accord+Sedan
سؤالي لو احد ركب هالقطعة بتمشي معاه والا لا ؟؟
8
8
السياحي مضمون انه يشتغل
لكن الفل مب اكيد انه بيشتغل
لازم نجربها
مساكم ورد
اخوي accord 06
سويت طريقتك في الضغط على الاوتو مع الدل ...الخ واظهر لي ان الحساس موجود
وطلع لي درجة الحرارة مضبوطة كمان 4 درجات مئوية وهي درجة الحرارة اليوم صباح
عندنا بس هذي الدرجة طلعت لي شاشة المكيف وهي تومض وهذا يدل على ان الحساس
موجود وشغال بس ناقص القطعة اللي توصل الى الطبلون ؟؟؟
تتبعت هذا الملف
http://www.hondapartsdeals.com/HondaInstallGuides/Accord/accord_outside_temp_gauge.pdf
لقيت انه لو بدينا من الخطوات الاخيرة كالخطوة 17 وخطوة تركيب الفيوزات وكذلك تركيب الملحقات اللي تحت الدكسون (موجودة بالصور في الرابط) يمكن والله اعلم انها تشتغل
ياليت ان احد يجربها والاراح اجربها انا بس منهو اللي راح يرسل لي الملحقات وانا بحاول اجرب تركيبها وراح اعطيه قيمتها
تحياتي
بالضبط اخوي تركياقتباس:
وهذا يدل على ان الحساس
موجود وشغال بس ناقص القطعة اللي توصل الى الطبلون ؟؟؟
و بالنسبه لتركيب توصيلات الاكسسوار ما تنفع لان المقياس الشد بلد
تسليكاته مختلفه كليا عن الاكسسوار .. شف بالصفحات اللي قبل فيها تسليكات
المقياس الشد بلد حطها الاخ M.a.m
ينصر دينك يامشعل :cool:
درجة الحرارة الخارجية 14 درجة مئوية بالليل يوم سويت حركة الفحص اللي بالملف
حاس انكم قربتوا يااني تحمست معكم حمااااااااس وجهاد وفتح بعد :) من يوم طلعت عندي الحراره
طيب بما ان السالفه فيه السرعه بعد الكترونيه مانقدر نطلعها بالشاشه بعد >>>>> خلنا نطلع درجة الحرارة اول :rolleyes:
تركي التركي متفائل فيك الخير ياخوي :cool:
سلام ياحلوييييييييييين
قبل امس شيكت على الفيوزات اللي ذكرها اخوي m.a.m
واللي لاحظته ان كل شي موصول 100% بالنسبه للكونكترات j4, n22,n28,x27
لكن اخوي M.A.M بأسألك الكونكتور D11 وين القاه تحت الفيوزات اللي في الكبوت واللا داخل السياره ؟؟ وهذي الصور اللي تثبت الشي هذا
بالنسبه للكونكتور J4
http://www.4zz.net/show.php?pic=161625
بالنسبه للكونكتور N22 لونه اخضر وفي الـ MANUAL يقول ازرق الظاهر انهم غلطانين
http://www.4zz.net/show.php?pic=161626
بالنسبه للكونكتور N28
http://www.4zz.net/show.php?pic=161627
واخيرا وليس آخرا X27
http://www.4zz.net/show.php?pic=161628
المهم ياشباب باقي نشيك على الكونكتور D11 بس انتظر الرد من M.A.M ونشوف
وبعدين فيه كونكتور مادري بس مشكوك في امره اللي هو T3 ؟؟;)
وبعدين فيه فيش شكله حلو والظاهر انه يلعب دور بس بانزل صوره بعدين انا الحين بالدوام
ياشباب انتظر الرد منكم باسررررررررررررع وقت تقدرون تكلموني على الجوال
0503780604
محبكم
ن ك د
يا نكد و الله انك بطل :cool:
بالنسبه للكونيكتور T فهذا ما له علاقه لانه تبع نظام الحماية الاضافي ( الاكسسوار )
و الكونيكتور D داخل السياره .. اذكر شفت رسمه للكونيكترات من فوق مع اسمائها
بس ما لقيتها :( ان شاء الله تكون موجوده عن M.A.M
اعذروني على التأخير ياشباب
ياسلام عليك يا ن ك د والله انك خطير ومبدع صراحة :cool: .. الله يعطيك الف عافية
وبالنسبة للكونكتر D فهو موجود ورا الكونكتر X وعدد فتحاته 17 فتحة يعني خلني احاول اوصل لاقرب توصيف .. اول ماتفتح الكيك بانل وتطلع لك الفيوزات بوجهك الكونكتر X يجيك في اقصى الزاوية اليسرى فوق والكونكتر D يكون بظهر الكونكتر X وعدد فتحاته 17 وهو الوحيد اللي فتحاته 17 .. ن ك د بالنسبة لـ N22 فالمفروض يكون أزرق فاتح وهذي تخلي عندنا احتمالين :
1- يااما لون السلك يختلف عن اللي في ال MANUAL لأن التسليكات اللي فيه خاصة بالتسليكات للاكورد الامريكية واحتمال يكون فيه اختلافات بسيطة جداً
2- احتمال تكون غلطان برقم الفتحة لأن ترا الكونكتر N انا شفته بالكاتالوج اللي عندي ودخت عاد وشلون لو اشوفه قدامي وبدون كاتالوج لأن فتحاته 45 فتحة :eek: وانا اذكر accord 06 شيك على الكونكترات التابعة لوحدة التحكم بالمناخ وطبعاً هي فيها كونكترين A و B واللي يهمنا هنا هو الـ B14 لأن كما هو موضح في الدائرة B14===>N22 وaccord 06 شيك على الـB14 ولقى لونه ازرق .. يعني على مااظن انه المفروض يطلع عندك لونه ازرق فاتح LT BLU = LIGHT BLUE
والله يعطيك الف عافية وبانتظار نتائجك
وبالنسبة للاختبار اللي حطه accord 06 فهذا واحد من الاختبارات اللي خلتني اصمم اني اطلع المقياس بالاكورد لأني أحس ان الموضوع تافه وسبق وجربت الاختبار لكن كنت مستغرب انهم كاتبين في الرموز Ambient Temperature .. بس أنا صراحة ماكنت اعرف ان المقصود بالـ Ambient هي نفسها الـOutside Temperature وكنت شاك ومحتار صراحة لكن الحين تأكدت يوم حطها accord 06 وقلت خلني اتأكد زيادة وفصلت الحساس ويوم شغلت الاختبار طلع لي Er :)
والله يعطيك العافية يا accord 06
وإن شاء الله هانت ياشباب
تحياتي وتقديري للجميع
متابع معاكم
وتم اضافة الموضوع للمواضيع المميزة في صفحة المنتدى الرئيسة :cool:
والله كيف ودي اشاركم معاكم لكن انامالي يالهشغلات ان حطيت يدي ( جبت العيد ) خخخخخ صدقوني اني متابع الموضوع اول باول وادعوا لكم اننا نوصل لحل واكسر راس خواينني ( راعين التيما و الكامري وغريها... ) ... بالتوفيق انشاء الله
والله سجلت بالمنتدى بخصوص هالموضوع
وان شاء الله تشوفون وسيلة نطلع درجة الحرار
وبعدين راح نكتشف الذرة :d
اقتباس:
المشاركة الأصلية كتبت بواسطة الاخطبوط
يا اخي وش سويت حق تقولك السيارة ان درجة الحرارة 14 مؤوي ؟؟؟
^
^
أخوي الهادف
شوف الرد رقم 223
و الطريقة :cool:
<<<<< متابع للموضوع :)
سلملم ياحلوين كيفكم
معليش على التأخير لكن كانت سيارتي في الوكاله صيانة 120000كلم <<< قولوا ماشاء الله :mad: :d
والحين مطر وسيول ومايمديني اسوي شي لكن شكلي بأقط في كراج بيت واحد من العيال:d وابدأ اشتغل لكن لا تخافون ان شاء الله اليوم والخبر عندكم
والله انا متابع الموضوع من اوله الى اخر رد
كل رد قاريه حرف حرف
وكل يوم اتحمس زياده
وخصوصن بعد طريقة التأكد من وجود الحساااس
وواتمنى من كل قلبي اني اساعدكم
لكن للاسف مالي في ذا الاشياااء
وعندي سؤال صغير
واي هو اذا سويت الحركه هذي يطلع لي الى 9
وشي ذا الاشياااء الي من 1 الى 9..؟
ويعطيكم الف عافيه...
اخوي اكورد لؤلؤي طلبك تجده في هذا الرابط صفحة 5
http://www.driveaccord.net/forums/at...achmentid=6887
اخوي accord 06 انا اتذكر انك شيكت على الكونكترات حقت وحدة التحكم بالمناخ واللي هي الكونكتر A12 بس ماادري اذا شيكت على الـB14 اللي هو طبعاً سلك الـ B-CAN واللي لونه LT BLU .. رد لي خبر وياليت اي احد يقدر يشيك يرد لنا خبر
وعلى فكرة بعض الشباب يتساءل اذا كان حساس الشمس موصل والجواب : نعم موصل والدليل جرب الاختبار ولاحظ رقم 3 هي القراءة الخاصة بحساس الشمس وهي ليست بالمئوي ولكنها بوحدة غريبة واذا بغيت تشوفها تحصلها بالجدول في صفحة 5 من الرابط اللي فوق اللي تكرم بوضعه accord 06 وبانتظار تفاعل الشباب مع الموضوع
وبانتظارك يا ن ك د .. واااه ليتني اعرف افكك مضبوط والله ان تشوف سيارتي قطعة قطعة :)
تحياتي وتقديري للجميع
http://www.hondaarabia.com/club/atta...1&d=1168971950
هذي الصوره
اقول اخوي M.A.M بالـ etm
ما فيه طرق فحص المشاكل للاجهزه مثل فحص و حدة التحكم ؟
اذا فيه شي للطبلون اتوقع بيفيدنا