الموضوع: مكيف سيارتي فيها ريحة

السلام عليكم
أخواني سيارتي أكورد 2007
أول ماأشغل المكيف وهي واقفة لفترة ؟ تطلع لها ريحة خااايسة وبعد ثواني تختفي الريحة :(
طبعاً نظفت فلتر المكيف ومازالت الريحة موجودة
تكفوووووووووووون وش الحل

شف يا عزيزي :d ..

آنآ عندي اللحل مجررب لفتره من الزمن ولله الحمد لا اضرار ولا هم يحزنوون وراحت الريييحه :d..

اذا جيت تطفي سيارتك لو لمدة دقيقه طفي نضام ( انه يكون الهوا يدور جوا السياره ) << ما اعرف وش اسمه ~ المهم انك تفهمني وتخليه يكون مروحه .. ثم تطفي المكيف وتطفي السياره ..

انا من اول ما شريت موتري وانا كذا وللحمد لله ولا ضرر ولا دخل غبار ولا شي..

تقبل مروري اخوك : عبدالعزيز ..

أتوقع إن الفلتر قديم مانفع معه التنظيف

أقول وأنا أخوك فك الفلتر ونظفه زين وبخ فيه عطر والمكان إلي يركب فيه الفلتر رشه عطر والله مجربها كذا بس لاتكثر العطر

بالنسبه ياعزيزي لريحه الصادرة من المكيف انا استخدمت المديلات 2004 -2005-2006 -2007 - 2008
لم اشم هذه الرائحه ولاكن عليك مراجعت الوكاله وشكرن

الله يعطيكم العافية
جميعاً

طيب الي سيارتهــ جديدهــ وفيها الريحهــ خاسيهــ

أخوي المباشر
هذا العطر Riyadh وين أحصله
أنا موقعي في الرياض

أنا جربت المعطرات مانفعت معي لنها تزيد رطوبة المقصورة ومع الشمس تعفن بالفلتر وتزيد الريحة وأخر شي جربته فتحت مكان الفلتر وبخرت المكان وحطيت على الفلتر قطرة دهن عود وتحسنت الأمور كثير وكل 3 شهور أعيد الحركه هذي وسلامتكم

المباشـر

وش هالأفكار الجهنمية :d

الصـراحة راحه , ابقولكم سالفتي ولو انها مـدري وش تبي , بس جـربوا يمكن فيه بلا بمكيف الأكــورد :d

مرهـ من المـرات كنت اشغل مكيف السيارة وانا حااط على الـ P , وتطـلع الريحة مع ان موتري جــديد وقته ماكمل أسيوع !!!

مر الوقت ومر وعلى هالحال , مرهـ تطلع الريحة ومرهـ لا

المهم في أحد المـرات مسكت معي كل ماشغل المكيف اشغله وانا حاط على الـ N , مدري وش جاني , ومن وقته وانا متعود على هالحال ماغير اشغل مكيف مـوتري الا على N , ولله الحمد من 6 شهـور وانا على هالحال ولا شميت لاريحة فطيس ولا ريحة بصل ولا ريحة بروستد :d

جـربوا يمكن تطـير الريحة من بعدهـ :d , ادري سالفتي ماتدخـل المخ بس جربوا يمكن فيه سبب لهالريحة موب من الفلتر

أول شي فكيت الفلتر من مكانه ونفخته بالهواء
وبعدين عطرت الفلتر مع كل الجهتين وركبته
الصراحة خفت الريحة بنسبة 50% صارت الحين مختلطة بالعطر والريحة الخايسة شوي
بس ماأدري ريحة العطر تقعد لفترة طويلة ولا ترجعلي ؟؟؟؟؟؟؟؟؟؟؟؟

عندي لك حل اخووووي




فك فلتر المكيف اللي خلف الدرج طبعا تعرفه

ونظفه وبخ فيه كم بخه عطر من عطرك المفضل

وان شاء الله بترووووووح لاني مجربها


اتمنى اني افدتك

تحياتي

تصدقون ياشباب فكرة العطر اللي تبخه في الفلتر
فكرة حلوووووووووووووة
لأني جربتها والحمدلله راحت

نفس المشكلة .. سيارتي اكورد 2007 .. وريحه اول ما اشغل المكيف ..

الحل يدون خساير قروش :d

اول ما يحتمي موترك .. شغل المكيف على اخف شي ..
وخلهآ 10 ثواني بس بعدين ارفعهـ ..

بعدها الحمد لله .. الهوا بارد ولا فيه ريحه

يا نااس اللحين انتم جربتو سالفت عطر وما عطر وكل شوي تغسل الفلتر وحالتك حاله شف ..

انت لا رحت ونضفت الفلتر بالهوا .. وجيت بتوقف ببيتكم خلاص يعني بتطفي سيارتك ..

اضغط زر الهوايه يعني مايكون الهوا يدور جوا السياره .. ثم طف المكيف وطف السياره ..

واذا جيت تشغل المكيف بعدين شغل السياره ثم شغل المكيف ثم اضغط زر ان يكون الهوا جوا السياره ..

ترا هذا شئ مجرب وبكيفكم ..

المشاركة الأصلية كتبت بواسطة عزووز 2103

يا نااس اللحين انتم جربتو سالفت عطر وما عطر وكل شوي تغسل الفلتر وحالتك حاله شف ..

انت لا رحت ونضفت الفلتر بالهوا .. وجيت بتوقف ببيتكم خلاص يعني بتطفي سيارتك ..

اضغط زر الهوايه يعني مايكون الهوا يدور جوا السياره .. ثم طف المكيف وطف السياره ..

واذا جيت تشغل المكيف بعدين شغل السياره ثم شغل المكيف ثم اضغط زر ان يكون الهوا جوا السياره ..

ترا هذا شئ مجرب وبكيفكم ..

كلامك صحيح عزوز وفكرتك هذي مكتوب زيها بالكاتلوج بس المشكلة انك راح تلقى السيارة مليانه غبار اللي بيدخل من فتحات المكيف خصوصا اذا كنت توك مغسل السيارة والفكرة اللي مكتوبه بالكاتلوج انك تعطي فرصة للرطوبه اللي بالسيارة ( ريحة الشراب ) انها تطلع من السيارة

يعطيكم العافية
ولاكن أخوي عزوز شي مجرب بالنسبة تنظيف الفلتر وتعطيره
وصار تمام التمام ولله الحمد

المشاركة الأصلية كتبت بواسطة المهاجر333

يعطيكم العافية
ولاكن أخوي عزوز شي مجرب بالنسبة تنظيف الفلتر وتعطيره
وصار تمام التمام ولله الحمد

إسأل مجرب وريح الراس
تراني مجرب هذي الطريقة
والحمدلله راحت الريحة

أخوي المباشر شف لنا حل والله انلحست

طيب ممكن احد يوضح لنا كيف نفك الفلتر
وعادي نغسله بالماء؟؟