انا قلت محد قدر يشبك مكينة H ؟؟؟؟؟؟
انا واحد اعرفو مركب مكينة اتش على سيفيك هاتشباك كيف اقول كدا ؟؟؟؟؟؟ والله اللي في مزاجك وفي راسك قولو يا حبيبي
وصاحب الـCR-X مسوي نفس الكلام اللي انا قلت واذا مو مصدق اعطيك رقم المهندس طول حياتو عايش على سيارات هوندا والرجال معاه اعتقد CR-X هاتشباك او سيفيك والله ما افتكر .. والكلام اللي بقولو اخدتو من لساان المهندس .. ولمن كتبت (( لي عودة ))
قلت للمهندس هذا المعروف بـ ((الونش)) في حي الجامعة .. قلتلو مكاين اكورد من فئة K ؟؟؟ اقسم بالله قلي يا واد ايش العبط اللي انتا فيه كدا خليك ساكت احسنلك ..
بلا كلام فاضي .. انا لو قلت محد يقدر شبكلك ظفيرتها اقصد على سيفيك 2009 .. وكيفية توصيل الحساسات ..
واحد ماعه سيفيك 2005 الشكل القديم .. ما قدرو يشبكو ضفيرة الـ H عليها لحد الان وسارت مشاكل وفكر الولد يطلعها بره ..
وانتا جاي تعدل في الكلام مدري ايش تقول .. انا ابدا ما قلت محد قدر يشبكها في سيارة .. لكن حصرت كلامي وقلت على الموديلات الاخيرة .. ونص الشعب تاخد سيارات قديمة ليش اجل ؟؟
ترى اسمحلي مهو انجاز انك ركبت k20 في عالم ركبت k وبكيت تيربو وفي عالم غيرهم كثير فلا تفرح كثير
وعذرك مو مقبول بكل اسف .. لانو انا زي ما بتقول افتي من راسي ماشاء الله عليا ..
وكل فترة صيفية انا ماشاء الله اروح اتدرب في ورش هوندا وفي الاخير افتي من راسي ماشاء الله
خلينا الخبرة لك يا عسل ..
واسف على الاطالة .. وروح ركب مكينة لومينا اس اس في سيفك موديل 2009 فكرة حلوة .. ويكون لك الشرف والانجاز زي ما تقول انك ركبتها ماشاء الله عليك ها ها ها
ما ابغى اكثر كلام الصراحة لانو الموضوع سار يصد النفس الصراحة بدل ما يكون في مصطلحات تشهي الواحد وتفتح نفسو للكلام .. سار يقرا كلام يحسسو بالاهانة .. حتى العذر فيلو اهانة وذل .. ما اقول الا الله يصلحك بس .. واذا تبغى تصدق كلامي وما تبغى تنحرج قدام الناس .. ارسلي على الخاص واعطيك رقمي ونروح للمهندس ويحكم ويقلي ويقلك على كل شئ وديك الساعة محد يقدر يفك فمو بكلمة غير اللي يقولو ..
واسف يا اخ خالد على الاطالة وانا ما انزعجت الا من اسلوب النقاش .. رغم ان الاختلاف في الرأي لا يفسد للود قضية
لكن فزلقت بعض الاشخاص تخليهم يقولو كلام ما يحسو فيه .. وكل واحد على حسب ما تعود
مواقع النشر (المفضلة)